തിരുവനന്തപുരം: സിനിമ, സീരിയല് നടി അപര്ണ നായരുടെ ആത്മഹത്യക്ക് കാരണം ഭര്ത്താവിന്റെ അമിത മദ്യപാനവും അവഗണനയും. ഇക്കാര്യത്തിലുളള കുടുംബപ്രശ്നങ്ങളും മനോവിഷമവുമാണ് ജീവനൊടുക്കാന് നടിയെ പ്രേരിപ്പിച്ചതെന്നാണ് എഫ്ഐആറിലുളളത്.
കരമന പൊലീസ് അസ്വാഭാവിക മരണത്തിന് കേസെടുത്തിരുന്നു. ബന്ധുക്കളില്നിന്നും മൊഴിയെടുത്തു. മരണത്തില് സംശയകരമായൊന്നും ഇല്ലെന്നാണ് പൊലീസ് പറയുന്നത്.
കഴിഞ്ഞ രാത്രിയിലാണ് കരമന തളിയിലെ വാടക വീട്ടില് അപര്ണയെ തൂങ്ങിയ നിലയില് കണ്ടത്. ഉടന് തന്നെ ബന്ധുക്കള് കരമനയ്ക്ക് സമീപമുളള സ്വകാര്യ ആശുപത്രിയിലെത്തിച്ചെങ്കിലും അതിനു മുന്നേ മരണം സംഭവിച്ചിരുന്നു. അപര്ണ ആത്മഹത്യ ചെയ്യുമ്പോള് വീട്ടില് അമ്മയും സഹോദരിയുമുണ്ടായിരുന്നു.
അപര്ണയുടെയും ഭര്ത്താവിന്റെയും രണ്ടാം വിവാഹമാണിപ്പോഴുണ്ടായിരുന്നത്. കിളളിപ്പാലത്തെ സ്വാകാര്യ ആശുപത്രിയില് റിസപ്ഷനിസറ്റായും നേരത്തേ അപര്ണ നായര് ജോലി ചെയ്തിരുന്നു.
