കോട്ടയം: പുതുപ്പള്ളിയില്‍ മൃഗാശുപത്രിയിലെ താത്ക്കാലിക ജീവനക്കാരിയെ പിരിച്ചുവിട്ട സംഭവത്തില്‍ പി ഒ സതിയമ്മയ്‌ക്കെതിരെ പൊലീസ് ആള്‍മാറാട്ടത്തിന് കേസെടുത്തു.കോട്ടയം ഈസ്റ്റ് പൊലീസാണ് കേസ് രജിസ്റ്റര്‍ ചെയ്തത്.
ലിജിമോളുടെ പരാതിയിലാണ് അറസ്റ്റ്. ഉദ്യോഗസ്ഥ ഒത്താശയോടെ വ്യാജരേഖ ചമച്ച് സതിയമ്മ ജോലി നേടിയെന്നാണ് ജില്ലാ പൊലീസ് മേധാവിക്ക് ലിജിമോള്‍ നല്‍കിയ പരാതിയിലുളളത്. തന്റെ ജോലിയാണ് മൃഗാശുപത്രിയില്‍ സതിയമ്മ ചെയ്തിരുന്നതെന്നാണ് ലിജിമോള്‍ പറയുന്നത്.
ഉമ്മന്‍ചാണ്ടിയെ പുകഴ്‌ത്തിയതിന് പുതുപ്പള്ളി പഞ്ചായത്തിലെ കൈതേപ്പാലം വെറ്ററിനറി ആശുപത്രി താല്‍ക്കാലിക ജീവനക്കാരി പി.ഒ സതിയമ്മയെ പിരിച്ചുവിട്ടെന്നാണ് ആരോപണം. സംഭവം വിവാദമായപ്പോഴാണ് തന്റെ ജോലി മറ്റൊരാള്‍ ചെയ്തത് അറിഞ്ഞില്ലെന്ന് പറഞ്ഞ് കെ.സി ലിജി മോള്‍ രംഗത്തെത്തിയത്.
മൃഗാശുപത്രിയില്‍ ജോലിക്ക് അപേക്ഷിച്ചിട്ടില്ലെന്നും സതിയമ്മയ്‌യോടൊപ്പം ഒരു കുടുംബശ്രീയില്‍ പ്രവര്‍ത്തിച്ചിട്ടുണ്ടെന്നും ലിജി മോള്‍ പറഞ്ഞു.
പ്രതികരിക്കാൻ ഇവിടെ എഴുതുക: