ഗണപതി മിത്താണെന്ന സ്പീക്കര് ഷംസീറിന്റെ വിവാദപ്രസ്താവന നിറഞ്ഞുനില്ക്കവേ, ‘ജയ് ഗണേഷ്’ എന്ന പുതിയ ചിത്രം പ്രഖ്യാപിച്ച് ഉണ്ണി മുകുന്ദൻ ഫിലിംസ് (യുഎംഎഫ്).
ഒറ്റപ്പാലത്ത് വച്ച് നടന്ന ഗണേശോത്സവ ചടങ്ങിനിടെ നടന് ഉണ്ണി മുകുന്ദന് തന്നെയാണ് പുതിയ ചിത്രം പ്രഖ്യാപിച്ചത്. ‘മാളികപ്പുറം ടീം’ പങ്കെടുത്ത ഒറ്റപ്പാലത്തെ ഗണേശോത്സവ ചടങ്ങിൽ തീർത്തും അപ്രതീക്ഷിത പ്രഖ്യാപനമായിരുന്നു നടന്നത്. ചടങ്ങില് തിരക്കഥാകൃത്ത് അഭിലാഷ് പിള്ളയും നടി അനുശ്രീയും പങ്കെടുത്തിരുന്നു. ഗണേശോത്സവ പരിപാടിക്കെത്തിയ നടൻ വേദിയിൽ വച്ച് സംസാരിക്കുന്നതിനിടെ പുതിയ ചിത്രത്തെക്കുറിച്ച് പ്രഖ്യാപിക്കുകയായിരുന്നു.
ഹൈന്ദവ വിശ്വാസങ്ങളെ മനഃപൂർവ്വം അവഹേളിക്കുന്ന ഇടതുപക്ഷ സമീപനത്തിനെതിരെ ശക്തമായ വിമർശനമുന്നയിച്ചതിന് പിന്നാലെയായിരുന്നു ജയ് ഗണേഷിന്റെ പ്രഖ്യാപനം ഉണ്ണി മുകുന്ദൻ നടത്തിയത്.
ഗണപതി മിത്താണെന്ന പരാമർശത്തിൽ പാർട്ടി സെക്രട്ടറിയും എൽഡിഎഫ് മന്ത്രിമാരും വ്യത്യസ്ത നിലപാട് സ്വീകരിക്കുന്നതും പ്രസ്താവന പിൻവലിക്കാൻ ഷംസീർ ഒരുങ്ങാത്തതും വിവാദമായി തുടരുന്ന പശ്ചാത്തലത്തിലാണ് ഗണപതി ഭഗവാന്റെ ശക്തി വിളിച്ചോതുന്ന ‘ജയ് ഗണേഷ്’എന്ന പുതിയ ചിത്രം എത്തുന്നത്. രഞ്ജിത് ശങ്കര് തന്നെയാണ് സംവിധാനം.
