ബാകു : അസര്ബൈജാനിലെ ബാകുവില് നടന്ന ഐഎസ്എസ്എഫ് വേള്ഡ് ചാമ്പ്യന്ഷിപ്പ് 2023 ല് വനിതകളുടെ 10 മീറ്റര് എയര് റൈഫിള് ഇനത്തില് ഇന്ത്യയുടെ മെഹുലി ഘോഷിന് വെങ്കലം.ഇതോടെ 2024ല് പാരീസ് ഒളിമ്പിക്സിനും യോഗ്യത നേടി.
ഫൈനലില് മെഹുലി ഘോഷ് 229.8 സ്കോര് ചെയ്ത് ചൈനയുടെ ജിയാവു ഹാന്, സിലിന് ഹാങ് എന്നിവരെ പിന്നിലാക്കി വെങ്കല മെഡല് നേടി. ഇന്ത്യയുടെ തിലോത്തമ സെന് 208.4 പോയിന്റുമായി നാലാമതെത്തി.
ഐ എസ് എസ് എഫ് ലോക ചാമ്പ്യന്ഷിപ്പ് 2023 പാരീസ് 2024 ഒളിമ്പിക്സിനുള്ള യോഗ്യതാ ഇനമാണ്. 12 ഒളിമ്പിക് വ്യക്തിഗത ഷൂട്ടിംഗ് ഇനങ്ങളില് ഓരോന്നിലും ആദ്യ നാല് ഫിനിഷര്മാര്ക്കൊപ്പം (ഒരു രാജ്യത്തിന് ഒന്ന്) മൊത്തം 48 ഒളിമ്പിക് ക്വാട്ടകളാണുളളത്. ഷൂട്ടിംഗില് ഇന്ത്യയുടെ നാലാമത്തെ പാരീസ് ഒളിമ്പിക ക്വാട്ടയായിരുന്നു ഇത്.
