കാവാലം: ക്രിക്കറ്റ് കളിക്കുകയായിരുന്ന കുട്ടികള്‍ക്ക് നേരെ അസഭ്യവര്‍ഷവുമായി കാവാലം ഗ്രാമപഞ്ചായത്ത് പ്രസിഡന്റ്. സിപിഎം നേതാവ് കൂടിയായ പി.ജെ. ജോഷിയാണ് കുട്ടികള്‍ക്കു നേരെ അസഭ്യവര്‍ഷുമായി എത്തിയത്. ഒരു കാര്യം ഞാന്‍ പറയുവാ, ഞാന്‍ സിപിഎമ്മുകാരനാണ്. അത് ഓര്‍മ്മ വേണം എന്ന് പറഞ്ഞുകൊണ്ടാണ് കൊച്ചു കുട്ടികള്‍ക്ക് നേരെ പി.ജെ. ജോഷി എത്തിയത്. തുടര്‍ന്ന് വളരെ മോശമായ വാക്കുകളോടെയാണ് കുട്ടികളോട് സംസാരിച്ചത്.
മദ്യപിച്ച് ലക്കുകെട്ടാണ് പഞ്ചായത്ത് പ്രസിഡന്റ് തങ്ങള്‍ക്ക് നെരെ വന്നതെന്ന് കുട്ടികള്‍ പറഞ്ഞു. പഞ്ചായത്ത് പ്രസിഡന്റിന്റെ ചീത്ത വിളികേട്ട് ഓടിയെത്തിയ നാട്ടുകാര്‍ അദ്ദേഹത്തെ പിടിച്ചുകൊണ്ടുപോകുന്നതും ദൃശ്യങ്ങളില്‍ കാണാം. ഏതാനും ആഴ്ചകള്‍ക്ക് മുമ്പ് സിപിഎം കാവാലം കുന്നുമ്മ ലോക്കല്‍ സെക്രട്ടറിയായിരുന്ന ഡി. വിനോദും സമാന നിലയില്‍ മദ്യപിച്ച് ഷാപ്പില്‍ കിടന്ന് ബഹളം വെച്ചിരുന്നു. ഇതിന്റെ ദൃശ്യങ്ങളും സമൂഹമാധ്യമങ്ങളില്‍ വലിയ ചര്‍ച്ചയായിരുന്നു.
കഞ്ചാവ് സംഘങ്ങളുമായി പോലും ബന്ധമുണ്ടെന്നുള്ള ആരോപണം ഉയര്‍ന്നതോടെ ഇയാളെ എല്‍സി സെക്രട്ടറി സ്ഥാനത്ത് നിന്നും പുറത്താക്കിയിരുന്നു.
പ്രതികരിക്കാൻ ഇവിടെ എഴുതുക: