കാഞ്ഞാണി: അരിമ്പൂര്‍ ക്യാപ്റ്റന്‍ ലക്ഷ്മി അങ്കണവാടിയിലെ കുരുന്നുകളുടെയും എല്‍.എം.എസ്. അംഗങ്ങളുടെയും നേതൃത്വത്തില്‍ നട്ടു പരിപാലിച്ച ചെണ്ടുമല്ലികള്‍ വിളവെടുപ്പിനൊരുങ്ങി. 34 സെന്റ് സ്ഥലത്ത് 500 ചെണ്ടുമല്ലി തൈകളാണ് മനോഹര കാഴ്‌ച്ചയൊരുക്കി നില്‍ക്കുന്നത്.
അത്തം നാളില്‍ വിളവെടുക്കുന്ന പൂക്കള്‍ വിപണനം ചെയ്യാന്‍ അങ്കണവാടിയുടെ കോമ്പൗണ്ടില്‍ തന്നെ സൗകര്യം ഒരുക്കും. അങ്കണവാടിയിലെ വിദ്യാര്‍ത്ഥികളായ പി.എം. മിഴിവ്, അയണ്‍ഷ് പി. പ്രവീണ്‍, സി. നവമി, ഇഷിക അനുകൂല്‍, എല്‍.എം.എസ്. അംഗങ്ങളായ കെ.ആര്‍. സുകുമാരന്‍, ഉഷ സുകുമാരന്‍, ലില്ലി റാഫേല്‍, സരോജിനി നാരായണന്‍, സ്മിതാ മനോജ്, പ്രീജ സന്ദീപ്, വാര്‍ഡ് അംഗവും അങ്കണവാടി ടീച്ചറുമായ സലിജ സന്തോഷ് എന്നിവരുടെ നേതൃത്വത്തിലാണ് ചെണ്ടുമല്ലിത്തോട്ടം ഒരുക്കിയത്.
പ്രതികരിക്കാൻ ഇവിടെ എഴുതുക: