പിറവം: എറണാകുളം രാമമംഗലത്ത് സ്ത്രീകളെ കടന്നുപിടിച്ച സംഭവത്തില് പോലീസുകാരന് അറസ്റ്റില്. മൂവാറ്റുപുഴ സ്റ്റേഷനിലെ സിപിഒ പരീത് ആണ് അറസ്റ്റിലായത്. ബൈജുവെന്ന മറ്റൊരു പോലീസുകാരനും പിടിയിലായിരുന്നുവെങ്കിലും അറസ്റ്റ് ചെയ്തിട്ടില്ല. നാട്ടുകാര് തടഞ്ഞുവച്ച പോലീസുകാരെ രാമമംഗലം പോലീസ് ഇന്നലെയാണ് കസ്റ്റഡിയിലെടുത്തത്.
ചൊവ്വാഴ്ച വൈകുന്നേരമായിരുന്നു സംഭവം. പിറവം അരീക്കല് വെള്ളച്ചാട്ടം കാണാനെത്തിയ സ്ത്രീകളോടാണ് അപമര്യാദയായി പെരുമാറിയത്. സംഭവത്തില് പ്രതികളായ പോലീസുകാരെ നാട്ടുകാര് തടഞ്ഞുവയ്ക്കുകയും രാമമംഗലം പോലീസ് സ്റ്റേഷനില് അറിയിച്ചെങ്കിലും ഒതുക്കിതീര്ക്കാനാണ് പോലീസ് ആദ്യം ശ്രമിച്ചതെന്ന് നാട്ടുകാര് ആരോപിച്ചിരുന്നു. സ്ത്രീകള് പരാതിയില് ഉറച്ചുനിന്നതോടെയാണ് പോലീസ് കേസെടുത്തത്. പ്രതികളായ പോലീസുകാര് മദ്യപിച്ചിരുന്നതായി നാട്ടുകാര് പറയുന്നു.
വെള്ളച്ചാട്ടം കാണാനെത്തിയ മറ്റു സ്ത്രീകളോടും പ്രതി മോശമായി പെരുമാറിയിരുന്നു. ഇത് പരാതി കൊടുത്ത സ്ത്രീകൾ കണ്ടിരുന്നു. പിന്നീടാണ് ഇവർക്കു നേരെയും മോശം പെരുമാറ്റമുണ്ടായത്. ഇതോടെയാണ് ഇവർ പ്രതികരിച്ചത്. സംഭവത്തിന്റെ ദൃശ്യങ്ങൾ ഇന്നലെ പുറത്ത് വന്നിരുന്നു.
