കോഴിക്കോട്: സില്‍വര്‍ഹില്‍ എച്ച്എസ്എസ് ഇന്‍ഡോര്‍ സ്റ്റേഡിയത്തില്‍ നടക്കുന്ന പതിനഞ്ചാമത് സില്‍വര്‍ ഹില്‍സ് ട്രോഫി ദക്ഷിണേന്ത്യന്‍ ഇന്റര്‍ സ്‌കൂള്‍ ബാസ്‌കറ്റ്‌ബോള്‍ ടൂര്‍ണമെന്റിന്റെ ഫൈനലില്‍ സെന്റ് ജോസഫ്സ് ജിഎച്ച്എസ്എസ് സേലം ലിറ്റില്‍ ഫ്ലവര്‍ എച്ച്എസ്എസ് കൊരട്ടിയെ നേരിടും.
സെമിയില്‍ സെന്റ് ജോസഫ്സ് എച്ച്എസ്എസ് സേലം സെന്റ് ജോസഫ്സ് ജിഎച്ച്എസ്എസ് ആലപ്പുഴയെ 75-51 എന്ന സ്‌കോറിന് തോല്‍പ്പിച്ചാണ് ഫൈനലില്‍ കടന്നത്. രണ്ടാം സെമിയില്‍ ലിറ്റില്‍ ഫ്ലവര്‍ കോണ്‍വെന്റ് എച്ച്എസ്എസ് ആതിഥേയരായ സില്‍വര്‍ഹില്‍ എച്ച്എസ്എസ് കോഴിക്കോടിനെ 56-46നെ പരാജയപ്പെടുത്തിയാണ് കലാശപ്പോരിന് യോഗ്യത നേടിയത്.
ആണ്‍കുട്ടികളുടെ വിഭാഗത്തില്‍ സില്‍വര്‍ഹില്‍ എച്ച്എസ്എസ് 71-44ന് ശാന്തല്‍ ജ്യോതി മുട്ടത്തെയും ലിറ്റില്‍ ഫ്ലവര്‍ എച്ച്എസ്എസ് ഗൂഡല്ലൂര്‍ മോര്‍ണിംഗ് സ്റ്റാര്‍ എച്ച്എസ്എസിനെ 50-42നും തോല്‍പ്പിച്ച് സെമിയില്‍ പ്രവേശിച്ചു.
മറ്റ് ക്വാര്‍ട്ടര്‍ ഫൈനലില്‍ കോട്ടയം ഗിരിദീപം ബഥനി സ്‌കൂള്‍ 74-50ന് ബംഗളൂരു സിഎംആര്‍ നാഷണല്‍ പബ്ലിക് സ്‌കൂളിനെയും സില്‍വര്‍ഹില്‍ സിഎംഐ പബ്ലിക് സ്‌കൂള്‍ 45-36ന് ഭാരതീയ വിദ്യാഭവന്‍ ചേവായൂരിനെയും കീഴടക്കി സെമിയിലെത്തി.
പ്രതികരിക്കാൻ ഇവിടെ എഴുതുക: