ധാക്ക: ബംഗ്ലാദേശിന്റെ ഏകദിന ക്യാപ്റ്റനായി ഷാക്കിബ് അല് ഹസനെ വീണ്ടും തെരഞ്ഞെടുത്തു. 2023 ലോകകപ്പില് ഷാക്കിബ് അല് ഹസനാകും ടീമിനെ നയിക്കുകയെന്ന് ബംഗ്ലാദേശ് ക്രിക്കറ്റ് കണ്ട്രോള് ബോര്ഡ് അറിയിച്ചു. ഇതോടെ ടെസ്റ്റിലും ഏകദിനത്തിലും ടി 20യിലും ഷാക്കിബ് തന്നെയാകും നായകന്.
ഏഷ്യാ കപ്പ് ടീമില് ഇടം നേടാത്തതിനെ തുടര്ന്ന് ഓഗസ്റ്റ് 3 ന് നായക സ്ഥാനം ഒഴിഞ്ഞ തമീം ഇഖ്ബാലിന് പകരമാണ് ഷാകിബ് അല് ഹസന് നായകനാകുന്നത്.ഏഷ്യാ കപ്പ്, ന്യൂസിലാന്ഡ് സീരീസ്, ലോകകപ്പ് എന്നിവയുടെ ക്യാപ്റ്റന് ഷാക്കിബ് അല് ഹസനാണ്,’- ബംഗ്ലാദേശ് ക്രിക്കറ്റ് ബോര്ഡ് പ്രസിഡന്റ് നസ്മുല് ഹസന് പറഞ്ഞു,
ലങ്ക ലീഗില് നിന്ന് മടങ്ങിയെത്തിയ ശേഷം ഷാകിബിനോട് നേരിട്ട് കാര്യങ്ങള് സംസാരിക്കുമെന്ന് ബംഗ്ലാദേശ് ക്രിക്കറ്റ് കണ്ട്രോള് ബോര്ഡ് പ്രസിഡന്റ് പറഞ്ഞു. പുതിയ ക്യാപ്റ്റനെ തെരഞ്ഞെടുക്കുന്നതില് ആശയക്കുഴപ്പമുണ്ടായിട്ടില്ലെന്നും നസ്മുല് ഹസന് പറഞ്ഞു.
ഷാക്കിബ് ഇതുവരെ 19 ടെസ്റ്റുകളിലും 39 ടി20യിലും ബംഗ്ലാദേശിനെ നയിച്ചിട്ടുണ്ട്.
