മാവേലിക്കര: വൃദ്ധയായ അമ്മയെ മര്‍ദ്ദിച്ച് കൊലപ്പെടുത്താന്‍ ശ്രമിച്ച മകന്‍ അറസ്റ്റില്‍. തെക്കേക്കര, തടത്തിലാല്‍, കുഴിക്കാല വടക്കതില്‍ പ്രദീപി(39)നെയാണ് കുറത്തികാട് പോലീസ് അറസ്റ്റ് ചെയ്തത്. അമ്മയ്‌ക്ക് ലഭിച്ച വിധവാ പെന്‍ഷന്‍ ചോദിച്ചിട്ട് കൊടുക്കാത്തതിലുള്ള വിരോധം കാരണമാണ് പ്രദീപ് അമ്മയെ മരവടി കൊണ്ട് അടിച്ചും പാറക്കല്ല് കൊണ്ട് എറിഞ്ഞും ദേഹോപദ്രവമേല്‍പ്പിച്ച് കൊലപ്പെടുത്താന്‍ ശ്രമിച്ചത്. മുന്‍പും പ്രതി അമ്മയെ സമാനമായ രീതിയില്‍ ഉപദ്രവിച്ചതിന് കുറത്തികാട് പോലീസ് സ്റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്.
കഴിഞ്ഞ വര്‍ഷം പ്രദീപ് അമ്മയെ മരവടി കൊണ്ട് കഠിന ദേഹോപദ്രവമേല്‍പ്പിച്ചതിന് 10 മാസത്തോളം ജയില്‍ ശിക്ഷ അനുഭവിച്ചിരുന്നു. ശിക്ഷ കഴിഞ്ഞ് ജയിലില്‍ നിന്നും ഇറങ്ങിയ ശേഷമാണ് പ്രതി അമ്മയെ വീണ്ടും ആക്രമിച്ചത്.കുറത്തികാട് ഐഎസ്എച്ച്ഒ മോഹിത് പി.കെ, സബ് ഇന്‍സ്‌പെക്ടര്‍ യോഗീദാസ്, സീനിയര്‍ സിവില്‍ പോലീസ് ഓഫീസര്‍മാരായ നൗഷാദ് റ്റി.എസ്,അരുണ്‍കുമാര്‍ സി.പി.ഓ രാജേഷ് എന്നിവര്‍ അടങ്ങിയ സംഘമാണ് പ്രതിയെ അറസ്റ്റ് ചെയ്തത്. പ്രതിയെ ഇന്ന് കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: