ആലപ്പുഴ: എംഡിഎംഎയുമായി നിരവധി മയക്ക് മരുന്ന് കേസ് പ്രതിയായ തിരുവനന്തപുരം സ്വദേശി പിടിയിലായി. 13 ഗ്രാം എംഡിഎംഎ യുമായി തിരുവനന്തപുരം കഠിനംകുളം സ്വദേശി അശ്വതി ഭവനില്‍ വിപിന്‍(കണ്ണന്‍-26) ആണ് മണ്ണഞ്ചേരി പോലീസിന്റെയും, ജില്ലാ ലഹരി വിരുദ്ധ സ്‌ക്വാഡിന്റെയും പിടിയിലായത്.
അഡീഷണല്‍ എസ്പി സുരേഷ്‌കുമാര്‍ എസ്.റ്റിയുടെ നേതൃത്വത്തിലുള്ള ഡാന്‍സാഫ് ടിമും, ആലപ്പുഴ ഡിവൈഎസ്പി ജയരാജ് എന്നിവരുടെ നേത്വത്വത്തിലുള്ള പ്രത്യേക സംഘവും സംയുക്തമായി നടത്തിയ പരിശോധനയിലാണ് പിടികൂടിയത്. ഇയാള്‍ക്ക് തിരുവനന്തപുരത്ത് മുസിയം, പൂജപ്പുര, കഴക്കുട്ടം എന്നി സ്റ്റേഷനുകളില്‍ മയക്കുമരുന്ന് കേസും കഠിനംകുളം സ്റ്റേഷനില്‍ പിടിച്ചുപറി കേസും നിലവിലുണ്ട്.
മണ്ണഞ്ചേരി എസ്‌ഐ കെ. ആര്‍ ബിജു , എഎസ്‌ഐരാജേഷ് എസ്്‌സിപിഒമാരായ ശ്യം , രജീഷ് , രസ്‌ന , വില്‍ഫ്രഡ ജില്ലാ ലഹരി വിരുദ്ധ സ്‌ക്വാഡും ചേര്‍ന്നാണ് ഇവരെ അറസ്റ്റ് ചെയ്തത്. പ്രതിയെ കൂടുതല്‍ ചോദ്യം ചെയ്തതില്‍ ബാംഗ്‌ളൂരില്‍ നിന്നും നേരിട്ട് വാങ്ങി ഗ്രാമിന് മുവായിരം മുതല്‍ അയ്യായ്യിരം രൂപയ്‌ക്കാണ് വില്‍ക്കുന്നതെന്നും പോലീസിനോട് പറഞ്ഞു. കഴിഞ്ഞ രണ്ട് വര്‍ഷങ്ങളായി ബാംഗ്‌ളൂര്‍ പോയി എംഡിഎംഎ നാട്ടിലെത്തിച്ച് വില്‍പ്പന നടത്തിവരുകയായിരുന്നു.
പ്രതികരിക്കാൻ ഇവിടെ എഴുതുക: