ന്യൂദല്‍ഹി: രാഹുല്‍ പാര്‍ലമെന്റില്‍ ഉണ്ടായാലും ഇല്ലെങ്കിലും അവിശ്വാസ പ്രമേയ ചര്‍ച്ചയില്‍ ഒരും വ്യത്യാസവും ഉണ്ടാകില്ലെന്ന് ബിജെപി ദേശീയ സെക്രട്ടറി അനില്‍ ആന്റണി. 2018ല്‍ അവിശ്വാസപ്രമേയ ചര്‍ച്ചയില്‍ ലഭിച്ചതിനെക്കാള്‍ ഭൂരിപക്ഷം എന്‍ഡിഎക്ക് ഇത്തവണ ലഭിക്കുമെന്നും അദ്ദേഹം പറഞ്ഞു. രാഹുലിനെതിരായ കോടതി വിധി സുപ്രീംകോടതി സ്റ്റേ ചെയ്തതുമായി ബന്ധപ്പെട്ട മാധ്യമപ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു അനില്‍.
രാഹുല്‍ സഭയില്‍ എത്തുമ്പോള്‍ വലിയ മാറ്റം ഉണ്ടാകുമെന്നത് കോണ്‍ഗ്രസ്സുകാരുടെ മിഥ്യാധാരണയാണ്. രാഹുല്‍ കഴിഞ്ഞ 20 വര്‍ഷമായി പാര്‍ലമെന്റില്‍ ഉള്ള ആളാണ്. ഇതുവരെയും ഒരു ഇംപാക്റ്റും ഉണ്ടാക്കാന്‍ കഴിഞ്ഞിട്ടില്ല. ഇനി എന്തെങ്കിലും മാറ്റം ഉണ്ടാക്കാന്‍ സാധിക്കുമെന്ന് കരുതുന്നുമില്ല. കോട തി ഉത്തരവ് സംബന്ധിച്ച് പഠിച്ചശേഷം പ്രതികരിക്കാമെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: