തിരുവനന്തപുരം: പ്രായപൂര്‍ത്തിയാകാത്ത സഹോദരിമാരെ ലൈംഗികമായി പീഡിപ്പിച്ച മുന്‍ സൈനികന്‍ അറസ്റ്റില്‍. പൂവാര്‍ സ്വദേശി ഷാജി (56) ആണ് പിടിയിലായത്.പത്തും പന്ത്രണ്ടും വയസുള്ള പെണ്‍കുട്ടികളെ നിരന്തരമായി ഇയാള്‍ ലൈംഗികമായി ചൂഷണം ചെയ്‌തെന്നാണ് കേസ്.
വനിതാ ശിശുവികസന വകുപ്പിലെ കൗണ്‍സിലിംഗിനിടെ മൂത്ത പെണ്‍കുട്ടിയാണ് പീഡന വിവരം അറിയിച്ചത്. ഇളയസഹോദരിയോടും കൗണ്‍സിലര്‍ സംസാരിച്ചതോടെയാണ് ക്രൂര പീഡനം കൂടുതല്‍ വ്യക്തമായത്. തുടര്‍ന്ന് കൗണ്‍സിലര്‍ പീഡന വിവരം സ്‌കൂള്‍ അധികൃതരെ അറിയിക്കുകയായിരുന്നു.സ്‌കൂളധികൃതര്‍ പൊലീസിന് വിവരം കൈമാറിയതോടെയാണ് പ്രതി പിടിയിലായത്.
പെണ്‍കുട്ടികളുടെ വീട്ടിലെ ദാരിദ്ര്യം മുതലെടുത്താണ് പീഡനത്തിന് വിധേയമാക്കിയത്.പെണ്‍കുട്ടികളുടെ വീട്ടുകാര്‍ക്ക് ഇയാള്‍ പണം നല്‍കി സഹായിച്ചിരുന്നു. ഈ ബന്ധം മുതലെടുത്താണ് ആളില്ലാത്ത സമയത്ത് വീട്ടില്‍ എത്തി പ്രതി കഴിഞ്ഞ ഒരു വര്‍ഷമായി പെണ്‍കുട്ടികളെ പീഡിപ്പിച്ചു വന്നത്.
പ്രതികരിക്കാൻ ഇവിടെ എഴുതുക: