തിരുവനന്തപുരം:. സ്പീക്കര് ഷംസീര് മാപ്പുപറയാന് ആഗഹിച്ചാല് പോലും ഞങ്ങള് സമ്മതിക്കില്ലെന്ന് നടി സജിത മഠത്തില്. അത് ശാസ്ത്ര ബോധത്തില് ലോകം നോക്കിക്കണ്ടവരെ തള്ളിപ്പറയലാവുമെന്നാണ് ഫേസ് ബുക്കില് പങ്കുവെച്ച കുറിപ്പില് സജിത ഫേസ്ബുക്കില് പറയുന്നത്.
ശാസ്ത്രബോധത്തിലധിഷ്ഠിതമായ ഒരു വിദ്യാഭ്യാസ സമ്പ്രദായമാണ് ഇവിടെ നിലനില്ക്കുന്നത്. ഇപ്പോഴും. പക്ഷെ ഇക്കണക്കിനു പോയാല് സയന്സ് പാഠങ്ങളില് മിത്തും പുരാണവും ശാസ്ത്രീയമായി പഠിക്കാന് അധികകാലമൊന്നും വേണ്ടി വരില്ലെന്നും അവര് ഫേസ്ബുക്കില് കുറിച്ചു.
കവിഭാവനയിലെ പുഷ്പകവിമാനം എനിക്ക് ശാസ്ത്രീയമായി തെളിയിക്കപ്പെട്ട സത്യമല്ല. അത് സയന്സ് കോണ്ഗ്രസ്സില് എത്ര വലിയ പദവിയിലിരിക്കുന്ന ആള് വന്നു പറഞ്ഞാലും ശാസ്ത്ര സത്യമാവില്ല. ആയതിനാല് ശാസ്ത്ര ബോധത്തെ ഹനിച്ചവര് ആദ്യം ഒന്നൊന്നായി മാപ്പ് പറയൂ. അതുവരെ നമ്മുടെ ബഹുമാനപ്പെട്ട സ്പീക്കര് ഷംസീര് മാപ്പുപറയാന് അദ്ദേഹം ആഗഹിച്ചാല് പോലും ഞങ്ങള് സമ്മതിക്കില്ല. – സജിത മഠത്തില് കുറിയ്ക്കുന്നു.
