മുംബൈ: ഇന്ത്യയിലെ ഏറ്റവും വലിയ പൊതുമേഖലാബാങ്കായ സ്റ്റേറ്റ് ബാങ്ക് ഓഫ് ഇന്ത്യയുടെ(എസ് ബിഐ) അറ്റാദായം 16,884 കോടി രൂപ. ഏകദേശം 178 ശതമാനം വളര്ച്ചയാണ് ഉണ്ടായിരിക്കുന്നത്. 2023 ഏപ്രില് മുതല് ജൂണ് വരെയുള്ള പുതിയ സാമ്പത്തിക വര്ഷത്തിലെ ആദ്യ സാമ്പത്തിക പാദത്തിന്റെ ഫലം പുറത്തുവന്നപ്പോഴാണ് ആകര്ഷകമായ വളര്ച്ച എസ് ബിഐ രേഖപ്പെടുത്തിയിരിക്കുന്നത്. 2022 ഏപ്രില് മുതല് ജൂണ് വരെയുള്ള കാലഘട്ടത്തിലെ വളര്ച്ചയുമായി താരതമ്യം ചെയ്യുമ്പോഴാണ് ഈ കുതിപ്പ്.
പ്രവര്ത്തനലാഭത്തില് 98.37 ശതമാനം വളര്ച്ചയുണ്ട്. ഏകദേശം 25,297 കോടി രൂപ. കഴിഞ്ഞ വര്ഷം ഇതേ കാലയളവില് ഈ ലംഭം വെറും 12,753 കോടി മാത്രമായിരുന്നു.
ആഭ്യന്തരമായി നല്കിയ വായ്പയുടെ കാര്യത്തില് 13.90 ശതമാനം വളര്ച്ചയാണ് ബാങ്ക് രേഖപ്പെടുത്തിയത്. ഇതില് അധികവും ചെറുകിട-ഇടത്തരം കമ്പനികള്ക്ക് നല്കിയ വായ്പയാണ്.
അതുപോലെ ബാങ്കിന്റെ കിട്ടാക്കടത്തില് വന് കുറവുണ്ടായി. ഏകദേശം 1.15 ശതമാനാണ് കുറഞ്ഞത്.
.
