ട്രിനിഡാഡ് :വെസ്റ്റ് ഇന്ഡീസും ഇന്ത്യയും തമ്മിലുളള ടി 20 പരമ്പര വ്യാഴാഴ്ച ആരംഭിക്കും. അഞ്ച് മത്സരങ്ങളാണ് ട്വന്റി-20 പരമ്പരയിലുളളത്.
ആദ്യ മത്സരം ട്രിനിഡാഡ് ആന്ഡ് ടൊബാഗോയിലെ ബ്രയാന് ലാറ ക്രിക്കറ്റ് അക്കാദമിയിലാണ് നടക്കുക. മത്സരം രാത്രി എട്ടിന് ആരംഭിക്കും. ഞായറാഴ്ച ഗയാനയിലെ പ്രൊവിഡന്സ് സ്റ്റേഡിയത്തിലാണ് രണ്ടാം മത്സരം.
എട്ടാം തീയതി ഇതേ വേദിയിലാണ് പരമ്പരയിലെ മൂന്നാം മത്സരം. അവസാന രണ്ട് മത്സരങ്ങള് അമേരിക്കയില് നടക്കും.നാലാമത്തെ മത്സരം ഓഗസ്റ്റ് 12 ന് അമേരിക്കയിലെ ഫ്ലോറിഡയിലെ ലോഡര്ഹില് സെന്ട്രല് ബ്രോവാര്ഡ് റീജിയണല് പാര്ക്ക് സ്റ്റേഡിയം ടര്ഫ് ഗ്രൗണ്ടില് നടക്കും. പരമ്പരയിലെ അഞ്ചാം മത്സരം ഈ മാസം 13 ന് ഇതേ വേദിയില് നടക്കും.
ടെസ്റ്റ് പരമ്പര 1-0ന് സ്വന്തമാക്കിയ ശേഷം ഇന്ത്യ ഏകദിന പരമ്പരയും 2-1ന് നേടിയിരുന്നു.
