ഹരിപ്പാട്: തൃക്കുന്നപ്പുഴ പോലീസ് സ്റ്റേഷനില്‍ പിടിച്ചെടുത്ത വാഹനങ്ങള്‍ പരിസരത്ത് കിടന്ന് കാടുകയറി തുരുമ്പെടുക്കുന്നു. തീരദേശ മേഖലയില്‍ നിന്നും മണല്‍ കടത്തികൊണ്ടിരുന്ന ഇടത്തരം എയ്‌സ് വാഹനങ്ങളാണ് തുരുമ്പെടുക്കുന്നത്. ചിലതില്‍ കടല്‍മണ്ണ് നിറച്ചിട്ടുണ്ട്.
ഉപ്പുരസമുള്ള മണലായതിനാല്‍ വാഹനങ്ങളുടെ അടിത്തട്ട് പൂര്‍ണ്ണമായും നശിച്ചിട്ടുണ്ട്. തീരദേശ മേഖലയില്‍ പരിമിതമായ സ്ഥലത്ത് സ്ഥിതി ചെയ്യുന്ന പോലീസ് സ്റ്റേഷന്റെ പരിസരത്ത് തൊണ്ടിമുതലായി കിടക്കുന്ന വാഹനങ്ങള്‍ എടുത്തു മാറ്റാന്‍ കഴിയാത്ത അവസ്ഥയിലാണ്. ഇതിന് പുറമേ അപകടങ്ങളില്‍പ്പെട്ട് പിടിച്ചെടുത്ത ഓട്ടോറിക്ഷകളും ബൈക്കുകളും നശിക്കുകയാണ്. എന്നാല്‍ കഴിഞ്ഞ മാസം നൂറോളം വാഹനങ്ങള്‍ ലേലം ചെയ്തുപോയിട്ടുണ്ട്. അവശേഷിക്കുന്നവ ഉടന്‍ തന്നെ ലേലം ചെയ്തുകൊടുക്കുമെന്ന് സ്റ്റേഷന്‍ ഹൗസ് ഓഫീസര്‍ പറഞ്ഞു.
പ്രതികരിക്കാൻ ഇവിടെ എഴുതുക: