ഗാന്ധിനഗര്‍ : സെമിക്കണ്‍ ഇന്ത്യ 2023′ പ്രദര്‍ശനം ഈ മാസം 28ന് ഗുജറാത്തിലെ ഗാന്ധിനഗറില്‍ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. പൊതുജനങ്ങള്‍ക്കായുള്ള പ്രത്യേക പ്രദര്‍ശനം മുഖ്യമന്ത്രി ഭൂപേന്ദ്ര പട്ടേല്‍ നാളെ ഉദ്ഘാടനം ചെയ്യും.
അര്‍ദ്ധചാലകങ്ങളുടെ നിര്‍മ്മാണ പ്രക്രിയയെക്കുറിച്ചും ഈ മേഖലയില്‍ കൈവരിച്ച പുരോഗതി സംബന്ധിച്ചും പ്രദര്‍ശനത്തിലൂടെ മനസിലാക്കാനാകും. പ്രദര്‍ശനം ഈ മാസം 30 വരെ ഉണ്ടാകും.
ദേശീയതല പരിപാടിയില്‍ അര്‍ദ്ധചാലകങ്ങളുമായി ബന്ധപ്പെട്ട ഏറ്റവും പുതിയ സാങ്കേതികവിദ്യ പ്രദര്‍ശിപ്പിക്കും. അര്‍ദ്ധചാലക മേഖലയിലെ പ്രമുഖ കമ്പനികള്‍ സെമിക്കണ്‍ ഇന്ത്യ 2023-ല്‍ പങ്കെടുക്കും. എഞ്ചിനീയറിംഗിലെയും മറ്റ് വിഷയങ്ങളിലെയും വിദ്യാര്‍ത്ഥികള്‍ക്ക് അര്‍ദ്ധചാലക നിര്‍മ്മാണത്തെക്കുറിച്ച് പ്രദര്‍ശനത്തില്‍ നിന്ന് അറിയാനാകും. ഈ മേഖലയിലെ തൊഴില്‍ ലഭ്യതയ്‌ക്ക് ഉപയോഗപ്രദമായ പ്രത്യേക വിജ്ഞാനം നേടാനുള്ള മികച്ച അവസരമാണിത്.
പ്രതികരിക്കാൻ ഇവിടെ എഴുതുക: