ന്യൂദല്‍ഹി: മണിപ്പൂരിലെ അക്രമസംഭവങ്ങള്‍ ചര്‍ച്ച ചെയ്യണമെന്ന പ്രതിപക്ഷ പാര്‍ട്ടികളുടെ ബഹളത്തിനിടയില്‍, വടക്കുകിഴക്കന്‍ സംസ്ഥാനത്തെ ക്രമസമാധാനവുമായി ബന്ധപ്പെട്ട എല്ലാ വിഷയങ്ങളും ചര്‍ച്ച ചെയ്യാന്‍ കേന്ദ്രസര്‍ക്കാര്‍ തയ്യാറാണെന്നും ലോക്‌സഭയില്‍ എല്ലാ അംഗങ്ങള്‍ക്കും ഉറപ്പ് നല്‍കി പ്രതിരോധമന്ത്രി രാജ്‌നാഥ് സിംഗ്. സ്പീക്കര്‍ ഓം ബിര്‍ളയുടെ നിര്‍ദേശത്തെ തുടര്‍ന്ന്് സഭയെ അഭിസംബോധന ചെയ്യുകയായിരുന്നു അദേഹം.
മണിപ്പൂര്‍ സംഭവം തീര്‍ച്ചയായും വളരെ ഗൗരവമുള്ള വിഷയമാണ്, സ്ഥിതിഗതികളുടെ ഗൗരവം മനസ്സിലാക്കിക്കൊണ്ട് പ്രധാനമന്ത്രി തന്നെ, സംസ്ഥാനത്ത് നടന്നത് രാജ്യത്തെ മുഴുവന്‍ നാണംകെടുത്തിയെന്ന് വ്യക്തമാക്കിയിരുന്നു. മണിപ്പൂരിലെ സ്ഥിതിഗതികളില്‍ പ്രതിപക്ഷ അംഗങ്ങള്‍ വേണ്ടത്ര ഗൗരവമുള്ളവരല്ലെന്ന് പ്രതിരോധ മന്ത്രി ആരോപിച്ചു.
മണിപ്പൂരിനെക്കുറിച്ചുള്ള ചര്‍ച്ച നടക്കില്ലെന്ന് ഉറപ്പാക്കാന്‍ ചില രാഷ്‌ട്രീയ പാര്‍ട്ടികള്‍ പാര്‍ലമെന്റില്‍ അനാവശ്യ ബഹളം ഉണ്ടാക്കാന്‍ കൂട്ടുനില്‍ക്കുകയാണെന്നും പറഞ്ഞു. പാര്‍ലമെന്റിന്റെ ഇരുസഭകളിലും മണിപ്പൂര്‍ വിഷയം ചര്‍ച്ച ചെയ്യണമെന്ന ആവശ്യത്തെ തുടര്‍ന്ന് ഇന്നലെ നടന്നുകൊണ്ടിരിക്കുന്ന വര്‍ഷകാല സമ്മേളനത്തിന്റെ ഉദ്ഘാടന ദിവസതന്നെ തടസ്സപ്പെട്ടിരുന്നു.
സംഭവത്തില്‍ കര്‍ശന നടപടി സ്വീകരിക്കുമെന്ന് പ്രധാനമന്ത്രി പറഞ്ഞു. മണിപ്പൂരിനെക്കുറിച്ച് പാര്‍ലമെന്റില്‍ ചര്‍ച്ച വേണമെന്നാണ് ഞങ്ങള്‍ ആഗ്രഹിക്കുന്നത്. ഞാന്‍ ഇത് സര്‍വകക്ഷി യോഗത്തില്‍ പറഞ്ഞിരുന്നു, മണിപ്പൂരിനെക്കുറിച്ച് ഒരു ചര്‍ച്ച വേണമെന്ന് ഈ ആഗസ്റ്റ് ഹൗസിന്റെ തറയില്‍ ആവര്‍ത്തിക്കാന്‍ ഞാന്‍ ആഗ്രഹിക്കുന്നുവെന്നും രാജ്‌നാഥ് സിംഗ് പറഞ്ഞു.
പ്രതികരിക്കാൻ ഇവിടെ എഴുതുക: