ആലപ്പുഴ: നോര്‍ത്ത് പോലീസ് സ്റ്റേഷന്‍ പരിധിയില്‍ താമസിക്കുന്നപ്രായപൂര്‍ത്തിയാകാത്ത വിദ്യാര്‍ത്ഥിനിയെ പീഡിപ്പിച്ച യുവാവിനെ പോക്‌സോ നിയമ പ്രകാരം അറസ്റ്റ് ചെയ്തു. ആലപ്പുഴ മാരാരിക്കുളം തെക്ക് പഞ്ചായത്ത് 21-ാം വാര്‍ഡില്‍ കരിയില്‍ വീട്ടില്‍ വിമല്‍ ചെറിയാന്‍(വിനു- 22) ആണ് ആലപ്പുഴ നോര്‍ത്ത് പോലീസിന്റെ പിടിയിലായത്.
12നാണ് കേസിനാസ്പദമായ സംഭവം ഉണ്ടായത്.വിമല്‍ പെണ്‍കുട്ടിയെ ബൈക്കില്‍ കയറ്റി വീട്ടില്‍ എത്തിച്ചാണ് പീഡനം നടത്തിയത്. കാട്ടുര്‍ മങ്കടക്കാട് ജങ്ഷന് അടുത്തുള്ള വീട്ടില്‍ നിന്നും ഒളിവില്‍ പോയ ഇയാളെ ആലപ്പുഴ കലവുരില്‍ നിന്നാണ് അറസ്റ്റ് ചെയ്തത്.
മൂന്നു വര്‍ഷത്തിന് മുന്‍പ് പാതിരപ്പള്ളി സ്വദേശിനിയായ യുവതിയെ വിളിച്ച് കുടെ താമസിപ്പിച്ച് അഞ്ചു മാസത്തിന് ശേഷം ആ ബന്ധം ഉപേക്ഷിച്ചിട്ടുള്ളതുമാണ്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. നോര്‍ത്ത് പോലീസ് സ്റ്റേഷന്‍ ഐഎസ്എച്ച്ഒ എം. കെ. രാജേഷ് ,എസ്‌ഐമാരായ പ്രദീപ്, സജീവ്,ഷിബു, എഎസ്‌ഐ സുമേഷ് , സീനിയര്‍ സിപിഒമാരായ അനില്‍കുമാര്‍, റോബിന്‍സണ്‍, സിപിഒ ഗിരീഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: