ആലപ്പുഴ : അദ്ധ്യാത്മികതയുടെ നവകേരള സൃഷ്ടി എന്നത് ലക്ഷ്യം വെച്ച് ജില്ലയിലെ പതിനായിരം ഭവനങ്ങളില്‍ വിഎച്ച്പി കര്‍ക്കിടകമാസം രാമായണ സത്സംഗം നടത്തും. താലൂക്ക് തലങ്ങളില്‍ രാമായണ പാരായണ മത്സരങ്ങള്‍, രാമായണ പ്രശ്‌നോത്തരി തുടങ്ങിയവ നടത്തുമെന്നും വിശ്വഹിന്ദു പരിഷത്ത് ജില്ലാ കമ്മിറ്റി. ജില്ലാ പ്രസിഡന്റെ വി.കെ സുരേഷ് ശാന്തി അദ്ധ്യക്ഷത വഹിച്ച യോഗം വിഭാഗ് ജോ: സെക്രട്ടറി എം.ജയകൃഷ്ണന്‍ ഉദ്ഘാടനം ചെയ്തു. ജില്ലാ സെക്രട്ടറി സി.പ്രസാദ്, സംഘടനാ സെക്രട്ടറി സി. ഉദയകുമാര്‍, പി.സുരേഷ് ബാബു, എന്‍.വിജയകുമാര്‍, ലളിതമ്മ രാജശേഖരന്‍ തുടങ്ങിയവര്‍ സംസാരിച്ചു.
രാമായണ മാസാചരണം ജില്ലാതല ഉത്ഘാടനം ആലപ്പുഴ ചേരമാന്‍ കുളങ്ങര ക്ഷേത്രത്തില്‍ ഭദ്രദീപം തെളിയിച്ച് ജില്ലാ പ്രസിഡന്റ് വി.കെ സുരേഷ് ശാന്തി നിര്‍വ്വഹിച്ചു. എം.ജയകൃഷ്ണന്‍, സി. പ്രസാദ്, പി.സുരേഷ് ബാബു, ക്ഷേത്ര സമിതി പ്രസിഡന്റെ സരളാ സുരേന്ദ്രന്‍, സെക്രട്ടറി എച്ച്. ജയേഷ്, ഗണേഷ് ചിദംബരം, വിജയന്‍ മാഷ്, കെ.അശോകന്‍ തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: