കൊല്ലം : മന്ത്രി വി. ശിവന്കുട്ടിയുടെ പൈലറ്റ് വാഹനം ആംബുലന്സിലിടിച്ച് അപകടം. രോഗി ഉള്പ്പടെ മൂന്ന് പേര്ക്ക് പരിക്ക്. കൊട്ടാരക്കര പുലമണ് ജങ്ഷനില് വെച്ചാണ് അപകടമുണ്ടായത്. രോഗിയുമായി ആശുപത്രിയിലേക്ക് പോവുകയായിരുന്ന ആംബുലന്സാണ് അപകടത്തില്പ്പെട്ടത്. ശക്തമായുള്ള ഇടിയില് ആംബുലന്സ് മറിഞ്ഞു.
കൊട്ടാരക്കര താലൂക്ക് ആശുപത്രിയില് നിന്നും കോഴിക്കോട് മെഡിക്കല് കോളേജിലേക്ക് രോഗിയുമായി പോവുകയായിരുന്നു ആംബുലന്സ്. മന്ത്രിയുടെ വാഹനം കോട്ടയത്ത് നിന്നും തിരുവനന്തപുരത്തേയ്ക്ക് പോകുന്നതായിരുന്നു.
അപകടത്തില് രോഗിക്കും ആംബുലന്സ് ഡ്രൈവര്ക്കും രോഗിയുടെ കൂട്ടിരിപ്പുകാര്ക്കും പരിക്കേറ്റു. ആബുലന്സിന് സാരമായ നാശനഷ്ടങ്ങള് സംഭവിച്ചിട്ടുണ്ട്. രോഗിയുള്പ്പടെയുള്ളവരെ ഏറെപ്പണിപ്പെട്ടാണ് വാഹനത്തില് നിന്നും പുറത്തെത്തിച്ചത്. പരിക്കേറ്റവരെ ആശുപത്രിയില് ്പ്രവേശിപ്പിച്ചു.
