കൊച്ചി : ഗ്ലാസ് ഫാക്ടറിയില് സ്റ്റിക്കര് ഒട്ടിക്കുന്നതിനിടെ ഗ്ലാസ് പാളികള് ദേഹത്തേയ്ക്കു മറിഞ്ഞുവീണ് തൊഴിലാളി മരിച്ചു. അസം സ്വദേശിയായ ധന്കുമാര് (20) ആണ് മരിച്ചത്. ഇന്നു പുലര്ച്ചെ ഇടയാര് റോയല് ഗ്ലാസ് ഫാക്ടറിയിലാണ് അപകടം നടക്കുന്നത്.
ടെംപറിങ് മെഷീനില്നിന്ന് ട്രോളി സ്റ്റാന്ഡിലേക്ക് ഇറക്കിവച്ച ഏഴു വലിയ ഗ്ലാസ് പാളികളില് അവസാനത്തെ ഗ്ലാസില് സ്റ്റിക്കര് ഒട്ടിക്കുന്നതിനിടെ സ്റ്റാന്ഡിന്റെ അടിഭാഗം ഒടിയുകയും ധന്കുമാറിന്റെ മേലേയ്ക്ക് പതിക്കുകയുമായിരുന്നു. ഈ സമയം മറ്റ് തൊഴിലാളികള് ആരും സ്ഥലത്ത് ഉണ്ടായിരുന്നില്ല.
11 അടി നീളവും 6 അടി വീതിയും 12 മി.മീ കനവുമുള്ള ഗ്ലാസ് പാളികളാണ് ധന്കുമാറിന്റെ ശരീരത്തിലേക്ക് വീണത്. ബിനാനിപുരം പോലീസും ഏലൂരില്നിന്ന് ഫയര്ഫോഴ്സ് സംഘവുമെത്തിയാണ് ധന്കുമാറിനെ പുറത്തെടുത്തത്. മൃതദേഹം കളമശ്ശേരി മെഡിക്കല് കോളജ് ആശുപത്രിയില് സൂക്ഷിച്ചിരിക്കുകയാണ്.
