വെന്നിമല: ശ്രീരാമലക്ഷ്മണ സ്വാമി ക്ഷേത്രത്തില് കര്ക്കടകവാവു ബലിക്കുള്ള ഒരുക്കങ്ങളായി. ഒരേ സമയം 500 പേര്ക്ക് ബലിയിടാന് സൗകര്യമുണ്ട്. മാലം താമരശേരി ഇല്ലം മനോജ് ശര്മ കാര്മികത്വം വഹിക്കും.
പിതൃമണ്ഡപത്തില് തിലഹോമം, സായൂജ്യപൂജ എന്നിവ ഉണ്ടായിരിക്കും. പിതൃപൂജ, കൂട്ടനമസ്കാരം, വിഷ്ണുപൂജ എന്നിവയും നടക്കും. ക്ഷേത്രത്തിലെ ചടങ്ങുകള്ക്ക് ശ്രീരാഗ് നമ്പൂതിരി കാര്മികത്വം വഹിക്കും. എല്ലാ ദിവസവും ബലിതര്പ്പണം നടക്കുന്ന അപൂര്വ ക്ഷേത്രമായ ഇവിടെ 17ന് കര്ക്കടകവാവു ദിനത്തില് ആയിരക്കണക്കിന് ഭക്തരാണ് എത്താറുള്ളത്. പുതുപ്പള്ളി, പാമ്പാടി എന്നിവിടങ്ങളില് നിന്ന് ക്ഷേത്രത്തിലേക്ക് കെഎസ്ആര്ടിസി 17ന് പ്രത്യേക സര്വ്വീസുകള് നടത്തും.
