തൃശൂര്‍: മുസ്ലീം ലീഗിനോട് തൊട്ടു കൂടായ്മയില്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്‍. ലീഗ് എടുക്കുന്ന ശരിയായ തീരുമാനങ്ങളോട് സിപിഎം മുന്‍പും പിന്തുണ അറിയിച്ചിട്ടുണ്ടെന്നും ഗോവിന്ദന്‍ പ്രതികരിച്ചു.ഏക സിവില്‍ കോഡ് വിഷയത്തില്‍ ലീഗിന്റേത് ശരിയായ നിലപാടാണെന്നും അതിനാല്‍ സിപിഎമ്മിന്റെ പിന്തുണ അതിന് ഉണ്ടാവുമെന്നും പറഞ്ഞ അദ്ദേഹം ഇതു തന്നെയായിരിക്കും ഭാവിയിലെ നിലപാടെന്നും വ്യക്തമാക്കി.
ഏക സിവില്‍ കോഡിന്റെ കാര്യത്തില്‍ സഹകരിക്കാവുന്ന എല്ലാവരും സഹകരിച്ച് മുന്നോട്ടു പോവും. ഏക സിവില്‍ കോഡ് രാജ്യത്തെ ഇപ്പോഴത്തെ പരിസ്ഥിതിയില്‍ നടപ്പാക്കാനാവില്ലെന്നാണ് ഇഎംഎസ് അഭിപ്രായപ്പെട്ടത്. ഇക്കാര്യം വ്യക്തമായി എഴുതിയിട്ടുണ്ട്. ഇതില്‍ ചിലര്‍ വ്യാജ പ്രചാരണം നടത്തുകയാണെന്നും ഗോവിന്ദന്‍ പറഞ്ഞു.
പ്രതികരിക്കാൻ ഇവിടെ എഴുതുക: