ന്യൂദല്‍ഹി: ഖാലിസ്ഥാനി ഭീകരരുടെ തലവന്‍ ഗുര്‍പത്‌വന്ത് സിങ് പന്നു യുഎസില്‍ വാഹനാപകടത്തില്‍ കൊല്ലപ്പെട്ടെന്ന് റിപ്പോര്‍ട്ട്. ഇന്ത്യ ഭീകരനായി പ്രഖ്യാപിച്ച് തലയ്‌ക്ക് വിലയിട്ട പന്നു കാനഡയിലിരുന്നാണ് ഇന്ത്യാ വിരുദ്ധ പ്രവര്‍ത്തനങ്ങള്‍ ഏകോപിപ്പിച്ചിരുന്നത്.
കഴിഞ്ഞ ദിവസം യുഎസില്‍ ഇന്ത്യന്‍ കോണ്‍സുലേറ്റിന് നേര്‍ക്ക് നടന്ന ഖാലിസ്ഥാനി ആക്രമണത്തിന് പിന്നാലെയാണ് പന്നു വാഹനാപകടത്തില്‍ കൊല്ലപ്പെട്ടെന്ന വാര്‍ത്ത പുറത്തുവരുന്നത്. ദൈനിക് ഭാസ്‌ക്കറാണ് വാര്‍ത്ത റിപ്പോര്‍ട്ട് ചെയ്തത്.
എന്നാല്‍ ഗുര്‍പത്‌വന്ത് സിങ് പന്നു കൊല്ലപ്പെട്ട വിവരം കേന്ദ്ര സര്‍ക്കാര്‍ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. കാനഡയിലും യുകെയിലും മറ്റും ചില ഖാലിസ്ഥാനി ഭീകരര്‍ അജ്ഞാതരുടെ വെടിയേറ്റ് കൊല്ലപ്പെട്ടതിനെ തുടര്‍ന്ന് ദിവസങ്ങളായി പന്നു ഒളിവിലായിരുന്നു. പന്നുവിന്റെ അടുത്ത അനുയായികളായ ഹര്‍ദീപ്സിങ് നിജ്ജറും പരംജീത് സിങ് പഞ്ച്വാറുമാണ് കഴിഞ്ഞ ദിവസങ്ങളില്‍ കൊല്ലപ്പെട്ടത്.
പ്രതികരിക്കാൻ ഇവിടെ എഴുതുക: