ചാലക്കുടി: പോക്സോ കേസില്‍ എലിഞ്ഞിപ്ര കുടുംബാരോഗ്യ കേന്ദ്രത്തിലെ സുപ്രണ്ട് ഇന്‍ ചാര്‍ജിനെ ചാലക്കുടി പോലീസ് അറസ്റ്റ് ചെയ്തു. പുതുക്കാട് മറുവന്‍ഞ്ചേരി സ്വദേശി കൊല്ലിക്കര വീട്ടില്‍ ഡോ. സജീവനാണ് (50) പിടിയിലായത്.
ആരോഗ്യപ്രവര്‍ത്തകയുടെ 15 വയസുള്ള പെണ്‍കുട്ടിയെയാണ് ഡോക്ടര്‍ തന്റെ സ്വകാര്യ പ്രാക്ടീസ് കേന്ദ്രത്തില്‍ വെച്ച് പീഡിപ്പിക്കാന്‍ ശ്രമിച്ചതെന്നാണ് പരാതി. കുട്ടിയുടെ അമ്മയുടെ പരാതിയെ തുടര്‍ന്ന് ചാലക്കുടി പോലീസ് കേസെടുത്തെങ്കിലും ഡോക്ടര്‍ ഹൈക്കോടതിയില്‍ നിന്ന് മുന്‍കൂര്‍ ജാമ്യത്തിന് ശ്രമിച്ചിരുന്നു. ജൂണ്‍ ഒന്നാം തീയതി ഡോക്ടറുടെ അടുത്ത് ചികിത്സ തേടിയപ്പോഴാണ് പീഡിപ്പിക്കാന്‍ ശ്രമിച്ചതെന്നാണ് പരാതി. ഡോക്ടറുടെ മുന്‍കൂര്‍ ജാമ്യാപേക്ഷ ഹൈക്കോടതി തള്ളിയതിനെ തുടര്‍ന്ന് ചാലക്കുടി പോലീസ് ഡോക്ടറെ അറസ്റ്റ് ചെയ്തു കോടതിയില്‍ ഹാജരാക്കി.
പ്രതികരിക്കാൻ ഇവിടെ എഴുതുക: