ആലപ്പുഴ: ആലപ്പുഴയിലെ കൃപാസനം ധ്യാനകേന്ദ്രത്തില്‍ പണം വാഗ്ദാനം ചെയ്ത് മറ്റ് മതത്തില്‍പ്പെട്ടവരെ മതപരിവര്‍ത്തനത്തിന് നിര്‍ബന്ധിക്കുന്നതായി പരാതിപ്പെട്ട് യുവാവ്. ഭക്തിഗാനമെഴുതുന്ന കണ്ണൻ ഭാസിയാണ് കൃപാസനത്തിനെതിരെ നിർബന്ധിത മതപരിവർത്തനം നടത്തുന്നു എന്ന പരാതിയുമായി രംഗത്തെത്തിയത്.
കേരളത്തിൽ ചില ഉന്നത പോലീസുദ്യോഗസ്ഥരെയും ഇതിനായി ഉപയോഗിക്കുന്നുവെന്നും കണ്ണന്‍ ഭാസി പരാതിപ്പെടുന്നു. ചില സ്ത്രീകളും ഇതില്‍ കണ്ണികളാണ്. ഇവരെ ഉപയോഗിച്ച് മതപരിവര്‍ത്തനത്തിന് പ്രലോഭിപ്പിക്കുന്നതായും പറയുന്നു.
കണ്ണന്‍ ജർമ്മനിയിലായിരുന്ന സമയത്തും ഭീഷണിപ്പെടുത്തിയെന്ന് പറയുന്നു. പണം വാഗ്ദാനം ചെയ്തും ക്രിസ്തുമതത്തിലേക്ക് മാറാൻ നിർബന്ധിച്ചു. മതം മാറിയില്ലെങ്കിൽ യൂറോപ്പില്‍ ജയിലഴിക്കുള്ളിൽ ജീവിതം തീര്‍ക്കുമെന്നും ഭീഷണിപ്പെടുത്തിയിരുന്നതായി കണ്ണൻ ഭാസി ആരോപിക്കുന്നു.
ആലപ്പുഴയിൽ നിൽക്കാൻ കഴിയാതെ വന്നതോടെ താന്‍ ജില്ലയില്‍ നിന്നു തന്നെ മാറിത്താമസിക്കുകയാണെന്ന് കണ്ണന്‍ ഭാസി പറയുന്നു. വൈകാതെ കോടതിയെ സമീപിക്കുമെന്നും കണ്ണന്‍ ഭാസി പറയുന്നു.
പ്രതികരിക്കാൻ ഇവിടെ എഴുതുക: