പാലക്കാട്: അഗളി സബ് സ്റ്റേഷന് പദ്ധതി വൈകിപ്പിക്കല് കാരണം കോടികളുടെ അധിക ബാധ്യത കെഎസ്ഇബിക്ക് വരുത്തുന്നതില് ആരോപണവിധേയനായ ഉദ്യോഗസ്ഥനെ വീണ്ടും അതേ വകുപ്പിലേക്ക് പുനര്നിയമനം നടത്തുന്നത് പരാതികള് അട്ടിമറിക്കാനെന്ന സംശയം ബലപ്പെടുന്നു.
2018 ല് പൂര്ത്തീകരിക്കേണ്ട അഗളി 220 കെ. വി. സബ് സ്റ്റേഷനാണ് ഈ ഉദ്യോഗസ്ഥന് കോട്ടാത്തറയിലെ ചില സ്വകാര്യ വ്യക്തികളുടെ ഭൂമിയിലേക്ക് സ്വാര്ത്ഥലാഭം മുന്നിര്ത്തി മാറ്റുന്നതിനു കീഴുദ്യോഗസ്ഥരില് സമ്മര്ദ്ദം ചെലുത്തിയതെന്നാണ് വൈദ്യുത വകുപ്പ് മന്ത്രിക്കു നല്കിയ പരാതിയില് പറയുന്നത്.
ഒരു വര്ഷം മുമ്പ് കണ്ണൂര് ട്രാന്സ്മിഷന് വിഭാഗത്തിലേക്ക് സ്ഥലം മാറിപ്പോയ ആരോപണവിധേയനായ ഈ ഉദ്യോഗസ്ഥനെ വീണ്ടും പാലക്കാട് പോസ്റ്റ് ചെയ്യുന്നത് അന്വേഷണത്തെ പ്രതികൂലമായി ബാധിക്കുമെന്ന് ഡിപ്പാര്ട്ട്മെന്റില് നിന്നു തന്നെ അഭിപ്രായമുണ്ട്.
