ബംഗളൂരു: സാഫ് കപ്പ് ഫുട്ബോള് ഫൈനലില് കടന്ന് ഇന്ത്യ . സെമിയില് ലെബനനെ തോല്പ്പിച്ചാണ് ഇന്ത്യ ഫൈനലിലെത്തിയത്. പെനാല്റ്റി ഷൂട്ടൗട്ടിലായിരുന്നു ഇന്ത്യന് വിജയം.
ഗോളി ഗുര്പ്രീത് സന്ധുവാണ് ലബനനെ തടഞ്ഞ് ഇന്ത്യയെ ഫൈനലില് കടത്തിയത്.
ലെബനനായി ആദ്യ കിക്ക് എടുത്ത ഹസന് മതൗക്കിന്റെ ഷോട്ട് ഗുര്പ്രീത് ഇടത്തേക്ക് ചാടി തടത്തു. ഇന്ത്യയുടെ ആദ്യ കിക്ക് ക്യാപ്റ്റന് സുനില് ഛേത്രി ലക്ഷ്യത്തിലെത്തിച്ചു. പിന്നീട് വന്നവരെല്ലാം ഇന്ത്യക്കായി വലകുലുക്കി.
എന്നാല് ലെബനന്റെ നാലാം കിക്ക് എടുത്ത ഖലീല് ബദേര് പന്ത് പുറത്തേക്കടിച്ചതോടെ ഇന്ത്യ ഫൈനലിലെത്തുകയായിരുന്ന. നിശ്ചിത സമയത്തും അധിക സമയത്തും ഗോള് രഹിതമായതോടെയാണ് കളി പെനാല്റ്റി ഷൂട്ടൗട്ടിലേക്ക് നീണ്ടത്.
ഫൈനലില് കുവൈറ്റാണ് ഇന്ത്യയുടെ എതിരാളികള്. ബംഗ്ലാദേശിനെ ഏകപക്ഷീയമായ ഒരു ഗോളിന് പരാജയപ്പെടുത്തിയാണ് കുവൈറ്റ് ഫൈനലില് കടന്നത്.
