ലഖ്‌നൗ : നോട്ടുകെട്ടുകള്‍ക്ക് മുന്നിലിരുന്ന് സെല്‍ഫിയെടുത്ത പോലീസുകാരന് കെണിയായി. ഉത്തര്‍പ്രദേശ് ഉന്നാവില്‍ രമേശ് ചന്ദ്ര സഹാനി എന്ന പോലീസുകാരനാണ് കുടുംബത്തോടൊപ്പമുള്ള സെല്‍ഫി കാരണം വെട്ടിലായത്.
500 രൂപയുടെ കെട്ടുകള്‍ക്ക് നടുവിലിരുന്ന് കുടുംബത്തോടൊപ്പമാണ് രമേശ് സെല്‍ഫിയെടുത്തത്. 14 ലക്ഷം രൂപയുടെ നോട്ടുകള്‍ക്കു നടുവിലിരുന്നായിരുന്നു സെല്‍ഫി. ഇത് സമൂഹ മാധ്യമങ്ങളില്‍ പ്രചരിച്ചതോടെയാണ് രമേശിന് കുരുക്കായത്.
എന്നാലിത് 2021 നവംബര്‍ പതിനാലിന് എടുത്ത ചിത്രമാണിതെന്നും തന്റെ കുടുംബസ്വത്ത് വിറ്റപ്പോള്‍ കിട്ടിയ പണമാണ് ചിത്രത്തിലുള്ളതെന്നുമാണ് പോലീസുകാരന്റെ വിശദീകരണം. സംഭവത്തില്‍ വിശദമായ അന്വേഷണം നടന്നുവരികയാണെന്ന് ബന്ധപ്പെട്ട അധികൃതര്‍ വ്യക്തമാക്കിയിട്ടുണ്ട്.
പ്രതികരിക്കാൻ ഇവിടെ എഴുതുക: