ഇംഫാല്‍: പോലീസ് നിര്‍ദേശം മറികടന്ന് സംഘര്‍ഷം നിലനില്‍ക്കുന്ന മണിപ്പൂരില്‍ എത്തിയ രാഹുല്‍ ഗാന്ധിയെ വഴിയില്‍ തടഞ്ഞ് പൊലീസ്. ചുരാചന്ദ്പൂരിലേക്ക് റോഡ് മാര്‍ഗം യാത്ര ചെയ്യുന്നതിനിടെയാണ് സംഭവം. ജനങ്ങള്‍ അക്രമാസക്തരാണെന്നും ആയുധധാരികളാണെന്നും പൊലീസ് അറിയിച്ചു. വേിമാനത്താവളത്തില്‍നിന്ന് 20 കിലോമീറ്റര്‍ അകലെ വിഷ്ണുപുരില്‍ ബാരിക്കേഡ് സ്ഥാപിച്ചാണു വാഹനം തടഞ്ഞത്.
രാവിലെ ദല്‍ഹിയില്‍ നിന്നും പുറപ്പെട്ട രാഹുല്‍ ഗാന്ധി 11 മണിയോടെ തലസ്ഥാന നഗരമായ ഇംഫാലില്‍ വിമാനമിറങ്ങി. കോണ്‍ഗ്രസ് സംഘടനാ ചുമതലയുള്ള എഐസിസി ജനറല്‍ സെക്രട്ടറി കെ.സി. വേണുഗോപാലടക്കമുള്ളവര്‍ രാഹുലിനൊപ്പമുണ്ട്.
ആഭ്യന്തര മന്ത്രി അമിത് ഷാ സംസ്ഥാനം സന്ദര്‍ശിച്ച് സമാധാനത്തിന് ആഹ്വാനം ചെയ്തിരുന്നെങ്കിലും സംഘര്‍ഷം തുടരുകയാണ്. പലയിടത്തും സൈനികര്‍ക്കെതിരേയും ബിജെപി നേതാക്കളുടെ വീടുകള്‍ക്കെതിരേയും അക്രമികള്‍ തിരിഞ്ഞിരുന്നു.
പ്രതികരിക്കാൻ ഇവിടെ എഴുതുക: