ലുധിയാന: കേരള ബ്ലാസ്റ്റേഴ്‌സിന്റെ ലെഫ്റ്റ് ബാക്കായിരുന്ന ധനചന്ദ്രെ മീതെയ് ഇനി റൗണ്ട്ഗ്ലാസ് പഞ്ചാബ് എഫ്‌സിക്ക് ഒപ്പം. ഐഎസ്എല്ലിലേക്ക് പ്രൊമോഷന്‍ നേടി എത്തിയ പഞ്ചാബ് എഫ്‌സി താരവുമായി കരാര്‍ ഒപ്പിട്ടു.
2020-ല്‍ ട്രാവു എഫ്‌സിയില്‍ നിന്നാണ് ധനചന്ദ്ര ബ്ലാസ്‌റ്റേഴ്‌സിലേക്കെത്തിയത്. എന്നാല്‍ ബ്ലാസ്‌റ്റേഴ്‌സില്‍ താരത്തിന് ഏറെ അവസരങ്ങള്‍ ലഭിച്ചില്ല. രണ്ട് സീസണില്‍ ബ്ലാസ്‌റ്റേഴ്‌സില്‍ തുടര്‍ന്ന താരം ആകെ 10 മത്സരങ്ങളിലാണ് കളിക്കാനിറങ്ങിയത്. കഴിഞ്ഞ സീസണില്‍ വായ്പാടിസ്ഥാനത്തില്‍ ഒഡീഷ എഫ്‌സിയിലേക്ക് മാറിയിരുന്നു. അവര്‍ക്കായി ആകെ 19 കളികള്‍ കളിച്ചു.
2013-ല്‍ പൂന എഫ്‌സിയിലൂടെയാണ് താരം പ്രൊഫഷണല്‍ കരിയര്‍ തുടങ്ങിയത്. തുടര്‍ന്ന് ഓസോണ്‍ എഫ്‌സി, ചര്‍ച്ചില്‍ ബ്രദേഴ്‌സ്, നെരോക്ക ക്ലബുകള്‍ക്കുവേണ്ടിയും കളിച്ചിട്ടുണ്ട് 29കാരനായ താരം.
പ്രതികരിക്കാൻ ഇവിടെ എഴുതുക: