ഗുരുവായൂര്: മമ്മിയൂര് ശ്രീമഹാദേവ ക്ഷേത്രത്തില് നടന്നുവരുന്ന നവീകരണ പുന:പ്രതിഷ്ഠ ദ്ര്യവ്യാവര്ത്തി ചടങ്ങുകളുടെ ഭാഗമായി തത്വകലശാഭിഷേകം നടന്നു.
അഗ്രമണ്ഡപത്തില് നടന്ന തത്വകലശപൂജ, തത്വ ഹോമം, പരികലശപൂജ, പാണി എന്നിവക്ക് ശേഷം, ചേന്നാസ് ശ്രീകാന്ത് നമ്പൂതിരിപ്പാട് മഹാദേവന് തത്വകലശാഭിഷേകം നടത്തി. വൈകീട്ട് മുളപൂജാ അധിവാസ ഹോമം, കലശാധിവാസം എന്നിവയും ഉണ്ടായി. ഭക്തജനങ്ങളും ക്ഷേത്രേശന്മാരും ചേര്ന്ന് അധിവാസ പ്രാര്ത്ഥനയും നടത്തി.
26 ന് കാലത്ത് മഹാദേവന് കര്പ്പൂരാദി ദ്രവ്യകലശമാണ്. നവീകരണ കലശത്തിന്റെ ഭാഗമായി നടന്നുവരുന്ന പ്രഭാഷണ പരമ്പരയില് ക്ഷേത്രങ്ങളിലെ പ്രശ്നചിന്ത എന്ന വിഷയത്തില് എടപ്പാള് ഗോവിന്ദന് മാസ്റ്ററുടെ ഭക്തി പ്രഭാഷണം ഉണ്ടായി. ക്ഷേത്രവും വാസ്തുവും എന്ന വിഷയത്തില് 26 മുതല് കാണിപ്പയ്യൂര് കൃഷ്ണന് നമ്പൂതിരിപ്പാടിന്റെ ഭക്തിപ്രഭാഷണം നടക്കും
