ഹോങ്കോങ്ങ് : എമര്‍ജിംഗ് ഏഷ്യാ കപ്പ് ഇന്ത്യന്‍ വനിതകള്‍ സ്വന്തമാക്കി. കലാശപ്പോരാട്ടത്തില്‍ ബംഗ്ലാദേശിനെ 31 റണ്‍സിനാണ് ഇന്ത്യ പരാജയപ്പെടുത്തിയത്.
ഇന്ത്യ ഉയര്‍ത്തിയ 128 റണ്‍സ് എന്ന ലക്ഷ്യം പിന്തുടര്‍ന്ന ബംഗ്ലാദേശ് 96 റണ്‍സിന് എല്ലാവരും പുറത്തായി. ബംഗ്ലാദേശിന്റെ മൂന്ന് താരങ്ങള്‍ മാത്രമെ രണ്ടക്കം കണ്ടുള്ളൂ. ഇന്ത്യക്ക് വേണ്ടി ശ്രെയങ്ക പാട്ടില്‍ നാലു വിക്കറ്റ് വീഴ്‌ത്തിയപ്പോള്‍ മന്നത്ത് കശ്യപ് മൂന്ന് വിക്കറ്റ് നേടി.
ആദ്യം ബാറ്റു ചെയ്ത ഇന്ത്യക്ക് ഇരുപത് ഓവറില്‍ ഏഴ് വിക്കറ്റ് നഷ്ടത്തില്‍ 127റണ്‍സ് മാത്രമെ നേടാനായുളളൂ. ദിനേശ് വൃന്ദ 36 റണ്‍സ് എടുത്തു. കനിക അഹുജ 30 റണ്‍സും നേടി. 22 റണ്‍സ് എടുത്ത ഛേത്രി, 13 റണ്‍സ് എടുത്ത ശ്വേത എന്നിവരാണ് രണ്ടക്കം കണ്ട മറ്റു താരങ്ങള്‍.
ബംഗ്ലാദേശിന് വേണ്ടി നഹിദ അല്‍തറും സുല്‍ത്താനയും രണ്ട് വിക്കറ്റ് വീതം വീഴ്‌ത്തി. സഞ്ജിതയും റബേയയും ഒരോ വിക്കറ്റ് വീതവും നേടി.
പ്രതികരിക്കാൻ ഇവിടെ എഴുതുക: