പാലക്കാട് : ഹോമിയോ ഡിസ്‌പെന്‍സറിയില്‍ കോണ്‍ക്രീറ്റ് സീലിങ് അടര്‍ന്നുവീണ് ജീവനക്കാരിക്ക് പരിക്കേറ്റു. കടമ്പൂര്‍ വേട്ടേക്കര റോഡില്‍ പ്രവര്‍ത്തിക്കുന്ന സര്‍ക്കാര്‍ ഹോമിയോ ഡിസ്‌പെന്‍സറിയിലാണ് സംഭവം. സീലിങ് അടര്‍ന്നുവീണ് ഫാര്‍മസിസ്റ്റ് കല്ലുവഴി പുത്തന്‍വീട്ടില്‍ ശ്യാമസുന്ദരിക്കാണ് (53) പരിക്കേത്.
ശ്യാമസുന്ദരി കമ്പ്യൂട്ടറില്‍ ഒപി ടിക്കറ്റ് രേഖപ്പെടുത്തിക്കൊണ്ടിരിക്കെ സീലിങ് തലയിലേക്ക് അടര്‍ന്നു വീഴുകയായിരുന്നു. പരിക്കേറ്റ ഇവരെ അമ്പലപ്പാറ സാമൂഹികാരോഗ്യ കേന്ദ്രത്തിലെത്തിച്ച് പ്രാഥമിക ചികിത്സ നല്‍കി. ശേഷം ഒറ്റപ്പാലം താലൂക്കാശുപത്രിയിലേക്ക് മാറ്റി. ആഴത്തില്‍ മുറിവേറ്റതിനാല്‍ ഇവരുടെ തലയ്‌ക്ക് സ്റ്റിച്ചിട്ടിട്ടുണ്ട്.
പ്രതികരിക്കാൻ ഇവിടെ എഴുതുക: