ന്യൂഡല്ഹി: അതിതീവ്ര ചുഴലിക്കാറ്റ് ബിപോര്ജോയ് തീരത്തോടടുക്കുന്ന സാഹചര്യത്തില് സ്ഥിതിഗതികള് വിലയിരുത്തുന്നതിനായി പ്രധാനമന്ത്രിയുടെ നേതൃത്വത്തില് ഉന്നതതല യോഗം ചേരും.ഗുജറാത്തിലെ സൗരാഷ്ട്ര- കച്ച് തീരങ്ങളില് കാറ്റ് ആഞ്ഞടിക്കുമെന്നും മണ്ണിടിച്ചില് ഉണ്ടാകുമെന്നും കാലാവസ്ഥാ വിഭാഗം മുന്നറിയിപ്പ് നല്കിയിട്ടുണ്ട്. ഇതനുസരിച്ച് ഗുജറാത്തിലെ വടക്ക്, തെക്ക് തീരപ്രദേശങ്ങളിലുള്ളവര് ജാഗ്രത പാലിക്കാന് നിര്ദേശം നല്കിയിട്ടുണ്ട്. മത്സ്യബന്ധനം പൂര്ണമായും നിരോധിച്ചിരിക്കുകയാണ്. തീരങ്ങളില് നിന്ന് ആളുകളെ മാറ്റിപ്പാര്പ്പിക്കാനുള്ള ശ്രമങ്ങളും തുടങ്ങി. ദേവ്ഭൂമി ദ്വാരകയില് നിന്ന് ഇതു വരെ 1300 പേരെ മാറ്റിപ്പാര്പ്പിച്ചു കഴിഞ്ഞു.
അതേസമയം, കാലാവസ്ഥ മോശമായതിനെ തുടര്ന്ന് ഞായറാഴ്ച രാത്രി മുംബൈയില് ഇറങ്ങേണ്ടിയിരുന്ന നാല് വിമാനങ്ങള് മറ്റ് വിമാനത്താവളങ്ങളിലേക്ക് വഴിതിരിച്ചുവിട്ടതായാണ് വിവരം. വിമാനങ്ങള് വൈകിയതോടെ യാത്രക്കാരില് പലരും അധികൃതരുമായി വാക്കേറ്റത്തില് ഏര്പ്പെട്ടു. തുടര്ന്ന് നിയന്ത്രണാതീതമായ സാഹചര്യങ്ങള് ഉണ്ടായതിനാലാണ് ഷെഡ്യൂളില് മാറ്റങ്ങള് വരുത്താന് നിര്ബന്ധിതരായതെന്ന് വിമാനക്കമ്പനികള് അറിയിച്ചു.
