ന്യൂദല്ഹി:: അറബിക്കടലില് അതിതീവ്ര ചുഴലിക്കാറ്റായി മാറിയ ‘ബിപര്ജോയ്’ അടുത്ത 24 മണിക്കൂറിനുള്ളില് കൂടുതല് ശക്തി പ്രാപിക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ചുഴലിക്കാറ്റിന്റെ ദിശ വടക്ക്-വടക്കു കിഴക്കന് ഭാഗത്തേക്കാണെന്നാണ് സൂചന.
ഗോവയില് നിന്നും 690 കിലോ മീറ്റര് പടിഞ്ഞാറും മുംബൈയില് നി്നന് 640 കിലോമീറ്റര് പടിഞ്ഞാറ്- തെക്കു പടിഞ്ഞാറും പോര്ബന്ധറില് നിന്ന് 640 തെക്ക്-തെക്ക് പടിഞ്ഞാറും ആയിട്ടാണ് ബിപര്ജോയ് ഇപ്പോഴുള്ളത്. മണിക്കൂറില് 145 കിലോമീറ്ററാണ് കാറ്റിന്റെ വേഗത.
കര്ണാടക, ഗോവ, മഹാരാഷ്ട്ര എന്നിവിടങ്ങളിലെ തീരപ്രദേശത്ത് ശക്തമായ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പു നല്കുന്നു.
