Categories: Kerala

സഹകരണ ബാങ്കുകളില്‍ നിന്ന് പണം വകമാറ്റല്‍; പി.കെ. ശശിക്കെതിരെ ഗുരുതര കണ്ടെത്തലുകള്‍, വിശദീകരണം തേടി, മറുപടി ലഭിച്ചശേഷം നടപടി

സഹകരണ ബാങ്കുകളില്‍ നിന്നും വന്‍ തുകകള്‍ ശശി സ്വന്തം അക്കൗണ്ടുകളിലേക്ക് വകമാറ്റിയെന്നാണ് ആരോപണം. മണ്ണാര്‍ക്കാട്, ചെര്‍പ്പളശ്ശേരി എന്നീ ഏരിയാ കമ്മിറ്റികളാണ് പരാതി ഉയര്‍ത്തിയത്.

Published by

പാലക്കാട് :  സിപിഎം പാര്‍ട്ടി ഫണ്ട് വെട്ടിച്ച് വകമാറ്റി ചെലവഴിച്ചതില്‍ പികെ. ശശിക്കെതിരെ നടപടികളിലേക്ക്. വിഷയത്തില്‍ പാര്‍ട്ടി വിശദീകരണം തേടിയിട്ടുണ്ട്. അത് ലഭിച്ചശേഷം തുടര്‍ നടപടി കൈക്കൊള്ളുമെന്നാണ് അറിയാന്‍ സാധിക്കുന്നത്. സിപിഎം ഭരിക്കുന്ന സഹകരണ ബാങ്കുകളില്‍ നിന്ന് വന്‍ തുകകള്‍ വകമാറ്റി ചെലവഴിച്ചതായാണ് ആരോപണം.  

സംഭവത്തില്‍ പരാതികള്‍ ഉയര്‍ന്നതോടെ പാര്‍ട്ടി അന്വേഷണ കമ്മിഷനെ നിയമിച്ചിരുന്നു. സിപിഎം സംസ്ഥാന സെക്രട്ടറിയേറ്റ് അംഗം പുത്തലത്ത് ദിനേശനാണ് പി.കെ. ശശിക്കെതിരെ അന്വേഷണം നടത്തിയത്. സഹകരണ ബാങ്കുകളില്‍ നിന്നും വന്‍ തുകകള്‍ ശശി സ്വന്തം അക്കൗണ്ടുകളിലേക്ക് വകമാറ്റിയെന്നാണ് ആരോപണം. മണ്ണാര്‍ക്കാട്, ചെര്‍പ്പളശ്ശേരി എന്നീ ഏരിയാ കമ്മിറ്റികളാണ് പരാതി ഉയര്‍ത്തിയത്.  

ഏരിയാ കമ്മിറ്റി ഓഫീസിന്റെ നിര്‍മ്മാണ ഫണ്ടിലും ശശി കൈ കടത്തുകയും ഫണ്ട് വകമാറ്റിയതിന്റേയും തെളിവുകള്‍ പുറത്തുവിട്ടിട്ടുണ്ട്. അന്വേഷണത്തില്‍ ശശിക്കെതിരെ ഗുരുതര ക്രമക്കേടുകളും കണ്ടെത്തിയിട്ടുണ്ട്. അതേസമയം സംസ്ഥാന സെക്രട്ടറി ബുധനാഴ്ച പങ്കെടുത്ത യോഗത്തില്‍ നിന്നും പി.കെ. ശശി വിട്ടുനിന്നു. ചെന്നൈയിലേക്ക് പോകുന്നുവെന്ന കാരണം പറഞ്ഞാണ് പി.കെ. ശശി പാര്‍ട്ടിയോഗത്തില്‍ നിന്നും വിട്ടുനിന്നത്.

Share
Janmabhumi Online

Online Editor @ Janmabhumi

പ്രതികരിക്കാൻ ഇവിടെ എഴുതുക