മുംബൈ: ബി.ആര്‍. ചോപ്രയുടെ മഹാഭാരതം മെഗാസീരിയലില്‍ ശകുനിയുടെ വേഷത്തിലൂടെ പ്രശസ്തനായ നടന്‍ ഗൂഫി പെയ്ന്റല്‍ വാര്‍ദ്ധക്യ സഹജമായ ആരോഗ്യപ്രശ്‌നങ്ങളെ തുടര്‍ന്ന് മുംബൈയില്‍ അന്തരിച്ചു. 79 വയസ്സായിരുന്നു. ”ഞങ്ങളുടെ പിതാവ് ഗൂഫി പെയ്ന്റലിന്റെ (ശകുനി മാമ) വിയോഗം അഗാധമായ ദുഃഖത്തോടെ അറിയിക്കുന്നു. ഇന്ന് രാവിലെ അദ്ദേഹം അന്തരിച്ചു.-” നടന്റെ കുടുംബം പ്രസ്താവനയില്‍ പറഞ്ഞു,
”ഇന്ന് രാവിലെ 9 മണിയോടെ അദ്ദേഹം അന്തരിച്ചു. ഹൃദയസ്തംഭനമായിരുന്നു. അദ്ദേഹത്തിന് 79 വയസ്സായിരുന്നു.”- ഗുഫിയുടെ അനന്തരവന്‍ വ്യക്തമാക്കി.
ഏറെ നാളായി അസുഖബാധിതനായിരുന്ന ഗൂഫിയെ ആരോഗ്യനില വഷളായതിനെ തുടര്‍ന്ന് മേയ് 31ന് ആശുപത്രിയില്‍ പ്രവേശിപ്പിച്ചിരുന്നു. ഒരു നടനെന്ന നിലയില്‍, ഗൂഫി ഏതാനും ടിവി ഷോകളും ശ്രീ ചൈതന്യ മഹാപ്രഭു എന്ന സിനിമയും സംവിധാനം ചെയ്തിട്ടുണ്ട്. ബിആര്‍ ഫിലിംസിനൊപ്പം, അസോസിയേറ്റ് ഡയറക്ടര്‍, കാസ്റ്റിംഗ് ഡയറക്ടര്‍, പ്രൊഡക്ഷന്‍ ഡിസൈനര്‍ എന്നീ നിലകളിലും അദ്ദേഹം പ്രവര്‍ത്തിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: