കൊച്ചി : കേന്ദ്രആഭ്യന്തരമന്ത്രി അമിത് ഷാ കൊച്ചിയില്‍. ആതുരസേവന രംഗത്ത് 25 വര്‍ഷങ്ങള്‍ പിന്നിടുന്ന അമൃത ആശുപത്രിയുടെ രജതജൂബിലി ആഘോഷങ്ങള്‍ ഉദ്ഘാടനം ചെയ്യുവാനാണ് അദേഹം കൊച്ചിയില്‍ എത്തിയത്.
വൈകിട്ട് മൂന്ന് മണിയോടെയാണ് അമിത് ഷാ നെടുമ്പാശ്ശേരി വിമാനത്താവളത്തില്‍ എത്തിയത്. വിമാനത്താവളത്തില്‍ കേന്ദ്ര ആഭ്യന്തര മന്ത്രിക്ക് വന്‍ വരവേല്‍പ്പാണ് നല്‍കിയത്. അദ്ദേഹത്തിന്റെ സന്ദര്‍ശനത്തോടനുബന്ധിച്ച് കൊച്ചിയിലും പരിസരത്തും കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്.
കൊല്ലം അമൃതപുരിയിലും കൊച്ചിയിലും ആരംഭിക്കുന്ന റിസര്‍ച്ച് സെന്ററുകളുടെ പ്രഖ്യാപനവും അമിത് ഷാ നിര്‍വഹിക്കും. രജതജൂബിലി സുവനീര്‍ ആരോഗ്യമന്ത്രി വീണാ ജോര്‍ജ് പ്രകാശനം ചെയ്യും. വൈകീട്ട് 5.30 ഓടെ കൊച്ചിയില്‍ നിന്ന് മടങ്ങും.
പ്രതികരിക്കാൻ ഇവിടെ എഴുതുക: