ഫ്‌ളോറെന്‍സ്(ഇറ്റലി): സീസണിലെ മൂന്നാം ഡയമണ്ട് ലീഗില്‍ പുതിയ റെക്കോഡ് നേട്ടവുമായി കെനിയന്‍ താരം ഫെയ്ത്ത് കിപ്യെഗോണ്‍. 1500 മീറ്ററിലാണ് താരം പുതിയ ദൂരം കുറിച്ചത്. മൂന്ന് മിനിറ്റ് 49.11 സെക്കന്‍ഡ് സമയത്തിലാണ് താരം ഡയമണ്ട് ലീഗില്‍ ഫിനിഷ് ചെയ്തത്.
കഴിഞ്ഞ രണ്ട് ഒളിംപിക്‌സിലും 1500 മീറ്ററില്‍ സ്വര്‍ണം നേടിയത് ഫെയ്ത്ത് കിപ്യെഗോണ്‍ ആയിരുന്നു. ഇന്നലെ ഡയമണ്ട് ലീഗില്‍ കൈവരിച്ച നേട്ടത്തിലൂടെ എട്ട് വര്‍ഷം മുമ്പത്തെ റെക്കോഡ് ആണ് പഴങ്കഥയാക്കിയത്. എത്യോപ്യന്‍ താരം ഗെന്‍സെബെ ഡിബാബ 2015ല്‍ മൂന്ന് മിനിറ്റ് 50.07 സെക്കന്‍ഡില്‍ ഫിനിഷ് ചെയ്ത നേട്ടമായിരുന്നു ഇന്നലെവരെ 1500 മീറ്ററിലെ റെക്കോഡ് നേട്ടം.
ഇന്നലെ നടന്ന മത്സരത്തില്‍ ഒന്നാമതെത്തിയ ഫെയ്ത്ത് കിപ്യെഗോണിന് പിന്നാലെ ബ്രിട്ടന്റെ ലോറ മ്യുയിര്‍ രണ്ടാമതും ഓസ്‌ട്രേലിയന്‍ താരം ജെസ്സീക്ക ഹള്‍ മൂന്നാമതും ഫിനിഷ് ചെയ്തു.
പ്രതികരിക്കാൻ ഇവിടെ എഴുതുക: