തിരുവനന്തപുരം: അറബിക്കടലില് ന്യൂനമര്ദ്ദത്തിന്റെ സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ്. തെക്ക് കിഴക്കന് അറബികടലില് ജൂണ് അഞ്ചോടെ ചക്രവാതചുഴി രൂപപ്പെടാന് സാധ്യതയുണ്ട്. ഇത് രൂപപ്പെട്ട് കഴിഞ്ഞാല് തുടര്ന്നുള്ള 48 മണിക്കൂറില് ന്യൂനമര്ദ്ദമായി മാറുമെന്നുമാണ് കാലാവസ്ഥാ വകുപ്പിന്റെ മുന്നറിയിപ്പ്.
ഈ ന്യൂനമര്ദ്ദത്തിന്റെ സഞ്ചാരപാതയെ അടിസ്ഥനമാക്കിയാവും വരും ദിവസങ്ങളില് കേരളത്തിലെ മഴയുടെ സാധ്യത. ചക്രവാതചുഴിയുടെ സ്വാധീനഫലമായി അടുത്ത 5 ദിവസം വ്യാപകമായി ഇടിമിന്നലോട് കൂടിയ മഴയും ശക്തമായ കാറ്റിനുമാണ് കാലാസ്ഥാ വകുപ്പ് പ്രവചിക്കുന്നത്. അതിനാല് തന്നെ ജാഗ്രത പാലിക്കണമെന്നും മുന്നറിയിപ്പില് പറയുന്നു.
