കൊച്ചി: കരള് സംബന്ധമായ അസുഖം ബാധിച്ച് ചികിത്സയിലായിരുന്ന നടന് ഹരീഷ് പേങ്ങന് (53) അന്തരിച്ചു. എറണാകുളം അമൃത ആശുപത്രിയില് ചികിത്സയിലായിരുന്നു. വയറുവേദനയുമായി ആശുപത്രിയില് പ്രവേശിപ്പിച്ചതോടെയാണ് കരള് രോഗം സ്ഥിരീകരിച്ചത്. നേരത്തെ ഹരീഷിന്റെ ചികിത്സയ്ക്കായി സുഹൃത്തുക്കള് സാമൂഹ്യമാധ്യമങ്ങള് വഴി സഹായം അഭ്യര്ത്ഥിച്ചിരുന്നു. ചികിത്സയ്ക്കിടെയാണ് അപ്രതീക്ഷിത വിയോഗം.
മഹേഷിന്റെ പ്രതികാരം, ഷഫീക്കിന്റെ സന്തോഷം, ഹണീ ബി 2.5, വെള്ളരിപ്പട്ടണം, ജാനേ മന്, ജയ ജയ ജയ ഹേ, പ്രിയന് ഓട്ടത്തിലാണ്, ജോ&ജോ, മിന്നല് മുരളി തുടങ്ങി നിരവധി സമകാലിക സിനിമകളില് ഹരീഷ് പേങ്ങന് വേഷമിട്ടിട്ടുണ്ട്.
