എച്ച്.എസ് പ്രണോയിക്ക് മലേഷ്യ മാസ്റ്റേഴ്‌സ് ; കിരീടം നേടുന്ന ആദ്യ ഇന്ത്യന്‍ താരം

 ക്വാലാലംപൂര്‍ : മലേഷ്യ മാസ്റ്റേഴ്‌സ് കിരീടം  മലയാളി  താരം എച്ച്.എസ് പ്രണോയിക്ക് .  പുരുഷ സിംഗിള്‍സ് ഫൈനലില്‍ ചൈനയുടെ വെങ് ഹോങ് യാങ്ങിനെയാണ്  പരാജയപ്പെടുത്തിയത്.സ്‌കോര്‍  21-19, 13-21, 21-18 .

പ്രണോയിയുടെ ആദ്യ ബി ഡ്ബ്ലിയു എഫ്  വേള്‍ഡ് ടൂര്‍ കിരീടമാണിത്. മലേഷ്യ മാസ്റ്റേഴ്സ് കിരീടം നേടുന്ന ആദ്യ ഇന്ത്യന്‍ താരമാണ്  പ്രണോയ്.  ആദ്യ ഗെയിം ജയിച്ച പ്രണോയിക്ക് രണ്ടാം ഗെയിമില്‍ അടിപതറി. മൂന്നാമത്തേതും നിര്‍ണായകവുമായ സെറ്റിന്റെ അവസാന ഘട്ടം വരെ ഇഞ്ചോടിഞ്ച് പോരാട്ടമായിരുന്നു.

മത്സരം 94 മിനിറ്റ് നീണ്ടുനിന്നു.  2017 നു ശേഷം പ്രണോയ്  വ്യക്തിഗത കിരീടം നേടിയിട്ടില്ല. 2017ല്‍ പ്രണോയ് യുഎസ് ഓപ്പണ്‍ ഗ്രാന്‍ഡ് പ്രി ഗോള്‍ഡ് നേടി.