ക്വാലാലംപൂര്: ക്വാലാലംപൂരിലെ അക്സിയാറ്റ അരീനയില് നടക്കുന്ന മലേഷ്യ മാസ്റ്റേഴ്സ് 2023 സെമിഫൈനലില് ഇന്ന് ഇന്ത്യന് താരം പി വി സിന്ധു കളത്തിലിറങ്ങും. ഏഴാം സീഡും ലോക ഒമ്പതാം റാങ്കുകാരിയുമായ ഇന്തോനേഷ്യയുടെ ഗ്രിഗോറിയ മാരിസ്ക തന്ജംഗിനെയാണ് സിന്ധു നേരിടുക.
വനിതാ സിംഗിള്സില് സിന്ധു ക്വാര്ട്ടര് ഫൈനലില് ചൈനയുടെ ഷാങ് യി മാനെ പരാജയപ്പെടുത്തി.
പുരുഷ സിംഗിള്സില് ഇന്ന് എച്ച്എസ് പ്രണോയ് സെമിയില് ഇന്തോനേഷ്യയുടെ ക്രിസ്റ്റ്യന് ആദിനാറ്റയെ നേരിടും. ക്വാര്ട്ടര് ഫൈനലില് ജപ്പാന്റെ കെന്റ നിഷിമോട്ടോയെയാണ് പ്രണോയ് പരാജയപ്പെടുത്തിയത്.
2024ലെ പാരീസ് ഒളിമ്പിക്സിന് യോഗ്യതാ നേടാനുളള ആദ്യ ടൂര്ണമെന്റാണ് മലേഷ്യ മാസ്റ്റേഴ്സ്.
