തിരുവനന്തപുരം: കേന്ദ്ര വനിതാ ശിശു വികസന വകുപ്പ് മന്ത്രി സ്മൃതി ഇറാനി നാളെ കേരളത്തില്‍. ബിഎംഎസിന്റെ വനിതാ തൊഴിലാളി സംഗമത്തില്‍ പങ്കെടുക്കാനാണ് മന്ത്രി എത്തുക.
ജി20 ഉച്ചകോടിയുടെ ഭാഗമായുള്ള പരിപാടി 22ന് കവടിയാര്‍ ഉദയ്പാലസ് കണ്‍വന്‍ഷന്‍ സെന്ററില്‍ നടക്കുന്ന സംസ്ഥാന വനിതാ തൊഴിലാളി സംഗമം കേന്ദ്ര മന്ത്രി സ്മൃതി ഇറാനി ഉദ്ഘാടനം ചെയ്യും. തുടര്‍ന്ന് വൈകുന്നേരം 5.30ന് കൊല്ലപ്പെട്ട ഡോ. വന്ദന ദാസിന്റെ കോട്ടയത്തെ വസതിയും സ്മൃതി ഇറാനി സന്ദര്‍ശിക്കും.
കേന്ദ്രമന്ത്രി വി. മുരളീധരന്‍ പരിപാടിയില്‍ മുഖ്യ പ്രഭാഷണം നടത്തും. സമ്മേളനത്തില്‍ മുഖ്യാതിഥിയായി ബി.എം.എസ് അഖിലേന്ത്യ സംഘടനാ സെക്രട്ടറി ബി. സുരേന്ദ്ര, അഖിലേന്ത്യ സെക്രട്ടറിമാരായ അഞ്ജലി പട്ടേല്‍, വി. രാധാകൃഷ്ണന്‍ തുടങ്ങിയവര്‍ പങ്കെടുക്കുകയും ചെയ്യുമെന്ന് പ്രസിഡന്റ് ഉണ്ണികൃഷ്ണന്‍ ഉണ്ണിത്താന്‍, ജനറല്‍ സെക്രട്ടറി ജി.കെ. അജിത്ത് എന്നിവര്‍ വാര്‍ത്താസമ്മേളനത്തില്‍ അറിയിച്ചു.
പ്രതികരിക്കാൻ ഇവിടെ എഴുതുക: