പത്തംതിട്ട : സുഹൃത്തിന്റെ ക്ഷണപ്രകാരമാണ് ഗുരുവായൂര്‍ ക്ഷേത്രദര്‍ശനത്തിന് പോയതെന്ന് കോന്നി എംഎല്‍എ കെ.യു. ജനീഷ്‌കുമാര്‍. ഗുരുവായൂര്‍ ക്ഷേത്ര സന്ദര്‍ശനം വിവാദമായതിന് പിന്നാലെ സ്വകാര്യ മാധ്യമത്തോട് പ്രതികരിക്കരിക്കുകയായിരുന്നു എംഎല്‍എ
സുഹൃത്തിന്റെ ക്ഷണം സ്വീകരിച്ച് ഒരു ചടങ്ങില്‍ പങ്കെടുക്കാനാണ് താനും പ്രമോദ് നാരായണന്‍ എംഎല്‍എയും ഗുരുവായൂരില്‍ പോയത്. അവിടെ ചെന്നപ്പോള്‍ അവിടുത്തെ ആചാരങ്ങള്‍ മാനിച്ചു. ഭാര്യ തന്നെയാണ് ചിത്രമെടുത്ത് സാമൂഹിക മാധ്യമങ്ങളില്‍ പങ്കുവെച്ചത്. എന്നാല്‍ ഇത് ചിലയാളുകള്‍ ബോധപൂര്‍വ്വം വിവാദമാക്കുകയാണെന്ന് എംഎല്‍എ പ്രതികരിച്ചു.
കോന്നി എംഎല്‍എ കുടുംബത്തിനും കേരള കോണ്‍ഗ്രസ്(എം) എംഎല്‍എ പ്രമോദ് നാരായണനുനൊപ്പമാണ് ഗുരുവായൂര്‍ ക്ഷേത്ര ദര്‍ശനം നടത്തിയത്. മേല്‍മുണ്ട് ധരിച്ചും കുറിയണിഞ്ഞുമുള്ള എംഎല്‍എയുടെ ചിത്രങ്ങളും വിവാദമായിരുന്നു. നേരത്തേ ഇ.പി. ജയരാജനും കടകംപള്ളി സുരേന്ദ്രനും കോടിയേരി ബാലകൃഷ്ണന്റെ കുടുംബവും ക്ഷേത്ര ദര്‍ശനം നടത്തിയിരുന്നു.
പ്രതികരിക്കാൻ ഇവിടെ എഴുതുക: