ന്യൂദല്‍ഹി: കര്‍ണാടകയില്‍ സിദ്ധരാമയ്യ തന്നെ അടുത്ത മുഖ്യമന്ത്രി. പാര്‍ട്ടിയുടെ തീരുമാനം ഐഎസിസി ജനറല്‍ സെക്രട്ടറി കെ.സി. വേണുഗോപാല്‍ വാര്‍ത്തസമ്മേളനം വിളിച്ചു ചേര്‍ത്ത് പ്രഖ്യാപിച്ചു. ഡി കെ ശിവകുമാര്‍ ഏക ഉപമുഖ്യമന്ത്രിയുമാകും. ദിവസങ്ങള്‍ നീണ്ട അനിശ്ചിതത്വങ്ങള്‍ക്കും ചര്‍ച്ചകള്‍ക്കും ഒടുവിലാണ് അന്തിമ തീരുമാനമായത്. ഈ മാസം 20ന് ഉച്ചയ്‌ക്ക് 12.30ന് ബംഗളൂരുവില്‍ സത്യപ്രതിജ്ഞാ ചടങ്ങുകള്‍ നടക്കും. ഇരുവരേയും കൂടാതെ നിരവധി മന്ത്രിമാരും ചുമതലയേല്‍ക്കും.
അതേസമയം, മുഖ്യമന്ത്രി പദം പങ്കിടുന്നത് സംബന്ധിച്ച് ഒരു പരസ്യപ്രഖ്യാപനവും പാര്‍ട്ടി നേതൃത്വത്തില്‍ നിന്നുണ്ടായില്ല. ഇന്ന് വൈകിട്ട് ഏഴ് മണിക്ക് നിയമസഭാകക്ഷി യോഗം വിളിച്ചിട്ടുണ്ട്. എല്ലാ എംഎല്‍എമാരും യോഗത്തിനെത്തണമെന്നാണ് നിര്‍ദേശം. ബെംഗളൂരുവില്‍ ചേരുന്ന നിയമസഭാകക്ഷി യോഗം സിദ്ധരാമയ്യയെ നേതായി തിരഞ്ഞെടുക്കും. ഉപമുഖ്യമന്ത്രി പദം കൂടാതെ, ആഭ്യന്തരം അടക്കം നിരവധി പ്രമുഖ്യ വകുപ്പുകള്‍ ഡികെയ്‌ക്കു നല്‍കുമെന്നാണ് റിപ്പോര്‍ട്ട്.
പ്രതികരിക്കാൻ ഇവിടെ എഴുതുക: