മലപ്പുറം: കരിപ്പൂര്‍ വിമാനത്താവളം വഴി വീണ്ടും സ്വര്‍ണക്കടത്തിനു ശ്രമം. കൊടുവള്ളി സ്വദേശികളായ ഷറഫുദ്ദീന്‍, ഭാര്യ ഷമീന എന്നിവരാണ് പിടിയിലായത്. 1884 ഗ്രാം സ്വര്‍ണവുമായി കോഴിക്കോട് കുന്നമംഗലം സ്വദേശി ഷബ്‌നയെ ഇന്നലെ വൈകുന്നേരം 6.30 ന് ആണ് കരിപ്പൂരില്‍ നിന്നു പോലീസ് പിടികൂടിയിരുന്നു.
ഷബ്‌നയ്‌ക്ക് പിന്നാലെ ഇന്നലെ രാത്രി 8 മണിയോടെ ദുബൈയില്‍ നിന്നാണ് സ്വര്‍ണവുമായി കൊടുവള്ളി സ്വദേശികളായ ഷറഫുദ്ദീന്‍, ഭാര്യ ഷമീന എന്നിവര്‍ കരിപ്പൂരില്‍ എത്തിയത്. കസ്റ്റംസ് നടത്തിയ പരിശോധനയില്‍ ഷറഫുദീന്റെ പക്കല്‍ നിന്ന് ശരീരത്തില്‍ ഒളിപ്പിച്ച നിലയില്‍ 950 ഗ്രാമും അടി വസ്ത്രത്തിന് അടിയില്‍ ഒളിപ്പിച്ച നിലയില്‍ ഷമീനയില്‍ നിന്ന് 1198 ഗ്രാം സ്വര്‍ണ മിശ്രിതവും കസ്റ്റംസ് കണ്ടെത്തി. സ്വര്‍ണക്കടത്തിന് കള്ളക്കടത്തു സംഘം 80000 രൂപയാണ് പ്രതിഫലമായി ദമ്പതികള്‍ക്ക് വാഗ്ദാനം ചെയ്തിരുന്നത് എന്ന് ഇവര്‍ കസ്റ്റംസിനോട് സമ്മതിച്ചു. പിടിയിലായ മൂന്ന് പേരുടെയും അറസ്റ്റ് രേഖപ്പെടുത്തി
പ്രതികരിക്കാൻ ഇവിടെ എഴുതുക: